Posts Tagged ‘شادية’

يا حليلة يا شهر الهنا يا حليلة
مدنة جامعنا زوقوها الليلة
وولادنا عملوا في البلد هليلة
وكل بيت اتلم فيه خلانه
واتلمت العيلة وعيلة العيلة
يتهنوا ويهنوا ويباركوا ويغنوا
يا حليلة يا شهر الهنا يا حليلة
***
وولاد حارتنا ربنا يحرسهم
مزقططين ومولعين فوانيسهم
اتلموا ع الناصية يقولوا ويحكوا
نور الصيام وجماله بيونسهم
والفرحة في عينيهم حكاية طويلة
يا حليلة يا شهر الهنا يا حليلة
***
رمضان يا شهر الخير يانور رباني
ده كل يوم بيفوت يزيد ايماني
وادي لياليك الجميلة بتجري
وبعودة يا شهر المحبة تاني
يا أبو الكرم يا أبو ليالي جميلة
يا حليلة يا شهر الهنا يا حليلة

يا عيني يا عيني ع الولد
الواد كما أي عيل في عيال ناس البلد
جسمه برضك قليل زي عيال البلد
يغوى صوت السواقي لما تملى البلد
زي عيال البلد
والقلب أخضر مزهزه لا مكر ولا حسد
زي عيال البلد

***

الواد أبو قلب لين صبح غير الولد
ضاع منه قلبه وبيضوي وسط صريخ البلد
الحلم اللي حلمته في الصبح بيتفرذ
يصبح ذنب البلد
بيصبح هم البلد
والضحك اللي ضحكته أهه دمعه البلد
صرخة حزن ونكد
صرخة بنت وولد
على عش الحب وطير ياحمام على عش الحب
قول للأحلام انا جاية قوام على عش الحب
وخطيبي حبيبي معايا بشويش بيقول ويايا
عارفين سكتنا سوا وحنوصل بيتنا سوا
وننام ونقوم ونقوم ونناام على حب ف حب
***
ياحمام ياابو جناح وردي على عش الحب وهدي
وافرشلنا فرحة كبيرة على قد حبيبي وقدي
والشوق وحبيبي وانا الليلة ميعادنا هنا
نقسم فرحتنا سوا ونقضي حياتنا سوا
وننام ونقوم ونقوم وننام على حب ف حب
***
ياللي ف أحلامي ناديتلك وف ليل الشوق غنيتلك
يا أحلى مكان في الدنيا أنا جيت لحبيبي وجيتلك
والشوق وحبيبي وانا الليلة ميعادنا هنا
تسمع ضحكتنا سوا وتشوف حلاوتنا سوا
وننام ونقوم ونقوم وننام على حب ف حب
***
من الليلة خلاص ياحبيبي أنا وانت حنصبح عيلة
من الليلة حتبقى نصيبي ودي ليلة العمر الليلة
والشوق وحبيبي وانا الليلة معادنا هنا
وتطول سهرتنا سوا ونقول حواديتنا سوا
وننام ونقوم ونقوم وننام على حب ف حب
وحياة عينيك وفداها عينيا
انا بحبك قد عينيا
لا قد روحى لا لا شوية
طب قد عمرى برضه شوية
حيرتنى توهتنى غلبتنى وياك كدة ليه؟
نستنى كنت هقولك ايه.. آه
وحياه عينيك وفداها عينيا
انا بحبك قد عينيا
ولا حد قبلك فات على قلبى
ولا حد بعدك يملى عينيا ياعينيا
***
كنت بخاف من حبك من ظلمك لحبايبك
لكن غصب عنى قلبى عملها وحبك
ماقدرش مااحبكش وحياتك ما قدرش
فى ايديك قوة تهد جبال فى ايديك قوة
وعليك صبر وطولة باال وعينيك حلوة
ماقدرش مااحبكش وحياتك مااقدرش
***
عايز تخاصمنى خاصمنى بس اوعى تبعد عنى
عايز تصالحنى تعالى قبل الشوق مايجننى
عارفة انك طيب هتجينى قريب
ولا هتندهلى واقولك طيب ياعنيا
بحبك حب أكبر من حب القلب وأكتر من حب الروح كمان
بحبك حب أغلى من كل الحب وأعلى أعلى منه بزمان
بحبك حب أكبر بس انت مش مقدر كل ده معرفش ليه
مستكتر اني أحبك بالشكل ده ولا ايه
هو أنا لو مش بحبك وبدوب في حب حبك
كنت أتعب روحي ليه.. وأعذب نفسي ليه..
وأقولك حتى ليه.. بحبك.. آه بحبك.. بحبك
***
هواك ياحب عمري ماليش اراده فيه
أمره مش تحت أمري ده فوق إخلاصي ليه
برضى على انه قدري مهما اتعذبت فيه
واللي مكتوب علينا في الدنيا بنلاقيه
بحبك مهما حبك كان هو المستحيل
وان كنت عايز لحبي دليل …آدي الدليل
هو أنا لو مش بحبك وبدوب في حب حبك
كنت أتعب روحي ليه.. وأعذب نفسي ليه..
وأقولك حتى ليه.. بحبك.. آه بحبك.. بحبك
***
حبيبي هواك في قلبي هواك
في قلبي أكبر من الكلام
والحزن يبان في دمعه بتصور الآلام
والفرح يبان سعاده بتنور الأبتسام
لكن الحب اللي فيا مهما بيبان عليا مايصور اللي بيا
أنا حبي ليك ياحبي ملاني نار ونور
هو أنا لو مش بحبك.. وبدوب في حب حبك
كنت أتعب روحي ليه.. وأعذب نفسي ليه
وأقولك حتى ليه.. بحبك.. آه بحبك.. بحبك

كلك حنيه ياحبيبي كلك حنيه
ولافيش زيك في الدنيا دي واحد بالميه
الحب الله يعمر بيته اتوصى بقلبي
وبعتلي هواك يملى حياتي ودي أغلى هدية
ودي اغلي هدية ياحبيبي
***
يا مصحي نهاري بمواويلك.. ومنور ليلي بقناديلك
ومداري عليا بجناحك.. مش عارفه ازاي أوفي جميلك
يابو روح بترد الروح فيا .. يا بو قلب ماحبش قبليا
وحياتك وغلاوتك عندي.. أنا عندي مفيش غيرك ليا
ولا بعد حنانك في الدنيا راح يبقى حنان
ولاأكتر من راحة بالي أتمنى كمان
***
من كتر الفرحه اللي أنا فيها.. مش لاقيه كلمه تكفيها
دي حياتي معاك نغمه جميله.. قدام الناس بنغنيها
والحب اللي قريت رواياته.. وسمعت من الناس حكاياته
صدقني ما يسوي ولا حاجه.. من الحب اللي أنا عايشه حياته
ولا بعد حنانك في الدنيا راح يبقى حنان
ولاأكتر من راحة بالي أتمنى كمان
أنا يا روحي أنا
هغنيلك وأهحكيلك يا روحي أنا
ولو يرضيك هخليلك كلامي غنا
وأقول اسمك بألحاني
وأخليه غنوة في لساني نغمها هنا
أنا يا روحي أنا
***
هغنيلك بكل حنان وكل غرام وكل هيام وكل حنين
هغنيلك بكل حنان بكل ما عندي من إحساس ومن وجدان
دنا لو ما كنت أغني عشان خاطر حبك هغني لمين
دنا ماليش حبيب غيرك وف غيابك أغني لمين
أنا يا روحي أنا