بيرجعوا الصغار للديار
ويقلعوا هدوم النهار
ويرجع الطير للشجر
بيتولد لسة القمر
وانا تحت عواميد الدروب
مليان قلوب قلوب قلوب
والناس مروحين
بستنظر الغروب
وأدوب أدوب أدوب
أدوب ويا الغروب
وحيد كما ورقة خريف
الريح مرحمهاش
حدفها بعيد
وحيد كما أنى طفل يتيم
فى مواسم الأعياد
من غير عيد
وحيد زى المدينة
مسهمة وحزينة
بلا مواعيد بلا مواعيد
وعلى الطريق جاى المسا
يا حبيبتى ايه اللى أتنسى
بينا ميعاد من غير ميعاد
يا هلترى نسيتي الميعاد
Advertisements

آه آه من حبيبي
عين في الجنة وعين في النار
عامل ساهي لكن غدار
يا ما شفت منه يا ما
يا ما غابت الابتسامة
عشمني بسكة سلامة
وسابني لوحدي في المشوار
***
قاللي بكره أحلى نهار
بحر وسحر وجنة ونار
قاللي الدنيا دي ما تغلاش
عدى العمر حبيبي ما جاش
عشمني بسكة سلامة
وسابني لوحدي في المشوار
***
قالولي عَدي البحر عديته
قالولي عِدي النجم عديته
قالولي بيعي هواكي
قلت لأ.. حبيبي هو اللي أنا حبيته
بحره غويط ضلمة ودوار
خلى الشوق وياه محتار
يا ما حلمت معاه بالراحة
سابني بين رموشه سباحة
عشمني بسكة سلامة
وسابني لوحدي في المشوار

إن جيت للحق أنا زعلانة
واخدة على خاطري وغضبانة
ده أنا قلب وروح ده أنا إنسانة
زعلانة زعلانة زعلانة
***
ياللي افتكرتك قلب حنون
إرحم فؤادي اللي انكوى
ده كل شيء في الدُنيا يهون
الا فراق أهل الهوى
ليه بتغلبني وازاي حتسيبني
للناس والدنيا الخوانة؟
***
رماني الحب في بحره وقلت يا مين يعديني
لقيتك انت على بره وكان أملي تنجيني
وأنا مش على بالك ولا جيت في خيالك
بقى بعد ده كله فرحانة؟!
***
املي انطفى وانا ظني فيك شمعة لحياتي منورة
والمر دقت من إيديك وانا كنت فاكراك سكرة
ما رحمتش حالي  بددت آمالي
ولقيتني وحيدة وحيرانة

يا جارحة القلب بعيونك
يصونها المولى ويصونك
***
عيونك كاس يدور ع الناس يسكرهم
وفيها جمال وفيها دلال يحيرهم
دي نظرة من عيون الحور
سوادها في عيونها نور
هواها ع القلوب مقدور
يا ساحرة الدنيا بعيونك
***
فاضل شفة على شفة راح ارسمهم
في لفتهم وخفتهم مفيش منهم
شفايفك نفحة م الجنة
بلون الورد والحنة
كلامها أحلى من المغنى
تقول للورد إيش لونك
***
فاضل ورودك اللي في خدودك يا حيرتي فيهم
عاوزين جنايني يعرف يغني ويقول عليهم
أحبك والسما شاهدة يا نايمة والعيون ساهدة
يا ربوة فيها ميت وردة
يا قايدة النار على غصونك

والله وخدني الغرام والله
لما عرفت الهوى والشوق
ومشيت لوحدي في بحر الشوق
ووقعت ما قالولي اسم الله
***
سكتنا اللي زرعناه حكايات كلها حنية
يا ليل الله يا ليل
هنعود ونعيد ذكراه وندوب م الشوق يا عينيا
يا ليل الله يا ليل
ووقعت ما قالولي اسم الله
***
آه يا ليل يا أبو ضحكة سمرا في حضنك دنيتي
يا ليل الله يا ليل
بحلم بيك وبالحبايب وبغني غنوتي
يا ليل الله يا ليل
ووقعت ما قالولي اسم الله

يا مقبل يوم وليلة اطوي السكة الطويلة
وديني لبلدي المحبوب
وديني للزينه الفلاحة مشتاق وقاتلني الشوق
والعشق يا بوي مش بالراحة لا العاشق ولا المعشوق
من يوم ما رأيت.. الفلاحة
تـخطر فى الغيط.. الفلاحـة
قلت أنا حبيت.. الفلاحة
وسافرت وجيت.. للفلاحة
والشوق دوبني دوب
يا مقبل يوم وليلة اطوي السكة الطويلة
اللى بـجهادها.. الفلاحة
هي واولادها.. الفلاحة
تفدي بلادها.. الفلاحة
وتوهب فؤادها.. الفلاحة
لوطنها شـمال و جنــوب
***
يا مقبل بين خضرة وميه ميتى نلقى أبو وجه مليح
وحنوصل غدى ولا عشية روح بنا روح سابق الريح
رح تلقاه سارحه.. الفلاحة
واقفة من امبارحة.. الفلاحة
ترقبني بفرحة.. الفلاحة
وتقول بالطرحة.. الفلاحة
سلامات واللقى مكتوب
يا مقبل يوم وليلة اطوي السكة الطويلة
سـمرا و سمارها.. الفلاحة
قمرة في دارها.. الفلاحة
والدار دي عمارها.. الفلاحة
ما تسيبش تارها.. الفلاحة
 ***
يا ام العيون سود سباني لونك الخمري
يا سحر م الشرق أفدي الشرق أنا بعمري
سباع وغزلان وألحان من غنى القمري
يا مقبل يوم وليلة اطوي السكة الطويلة
وديني لبلدي المحبوب

آه يا ليل يا عين
آه يا لمكتوب آه يا عيني .. آه يا لمكتوب
في قلوب مرتاحة فى دنياها وقلوب بتدوب
وقلوب تقول الهوى قاسي، لكن ما بتوب
ده الحب لا فيه أبدا غالب ولا فيه مغلوب
وآه يا لمكتوب آه يا عيني آه يا لمكتوب
يا خسارة ويا خسارة .. اه يا عيني ع المكتوب
واه يا لمكتوب آه يا عيني
لما هنايا فى لحظة يروح .. لما الفرحة تبقى جروح
يا خسارة لما الوعد ما يفرحنيش .. واللي بتمناه ما يجيش
وتعبنا في الهوى ولا توبنا ونقول مكتوب
ه الحب لا فيه أبدا غالب ولا فيه مغلوب
وآه يا لمكتوب آه يا عيني آه يا لمكتوب
وآه يا زمن آه لما قلوب تفضل عطشانة اه يا زمن وآه
وآه يا زمن آه لما عيون تفضل سهرانة وآه يا زمن آه
لما نلاقي في يوم حبايبنا .. راحوا بعد ما جرحوا قلوبنا
وفاتونا للنار ولا توبنا وبنقول مكتوب
ده الحب لا فيه أبدا غالب ولا فيه مغلوب
وآه يا لمكتوب آه يا عيني آه يا لمكتوب