المسحراتي فؤاد حداد (31) بعلو حسي

Posted: 2 أغسطس 2011 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
وانا بانادى
بعلو حسّى
يا دنيا حسّى
الحق بيّن
ومصر أَوْلى
حققنا ثوره
وقمنا صخره
وعرقنا زيّن
أرض البطوله
إحنا اللى إيدنا
خلّت حديدنا
حديد حنيّن
على الطفوله
وصباح مندي
على الولاد دي
طريقها هيِّن
مافيهش غوله
وانا السنه دى
شقت سنابلى
فى كل وادى
والليل خطب لى
قمر زبادى
بسحر بابلى
وضى هادى
فردت حبلى
بطول بلادى
المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
أنا بلدى حره بنيت على غصنها عشّى
ولقمة الحُب بتفطرنى وتعشّى
أنا عاوز ابنى يعيش والظلم ما يعيشّى
يا رب يا اللى خلقت لنا البصر واللمس
ولا ترسم الشمس إلا النور على وشى
اصـحى يانايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يانايم.. يانايم اصحى
وحّد الرزاق

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s