المسحراتي فؤاد حداد (35) ربيع الشام

Posted: 6 أغسطس 2011 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى على النبى صلى
مـنـقـراتى والقمر بسّام
شايلك فى عينى يابا فضل الله
ابن الأوائل من رجال الشام
طربوشه عالى أسمر الطلّه
مصاحب الشطّار على الطبله
سمعنى سيرة عنتره وعبله
صلى على سيد ولد عدنان
دنيا الهلالى توسع الاحضان
وان كنت منشد سائق الاظعان
لا تنسى ضل الصبر فى الميدان
ومقدم الأبطال إذا التفّوا
كان الحصان يشرب على كفه
احكى عن الفارس فى حرب الروم
وتنّى يابا بملحمة برهوم
الذكر خالد والشقا مرحوم
وقيراط من المعلوم تعيش راضى
اهدينى ريح الشيح من الماضى
اهدينى ريح الشيح وفليّات
شاور من الماضى على الجايات
يا ناوى بكره قول أن شا الله
قول يابا فضل وحى أفضاله
خير النضال من خيره ونضاله
عارف مدى الأيام ولو طالوا
الله عطى له حج بيت الله
المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
أنا كنت راعى غنم فى غابر الأيام
وكان على كتافى من غزل الحبيبه حرام
ونازل الوادى أستقبل ربيع الشام
ونايى لما افتكر كل الليالى نسيت
لو كانت الدنيا سمعت قبل منى كلام
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s