المسحراتي فؤاد حداد (40) أنا اشتراكي

Posted: 11 أغسطس 2011 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
فى مذكراتى
عن عهد بائد
ولا عمره عائد
طلعت لى غنوه
لا تقول لى حلوه
ولا سفيهه
فيها اللى فيها
باغنى واحكى
غنوه حكايه
كان فيها ضحكى
فيها بكايا
اسمع يا ولدى
العين بصيره
والإيد قصيره
والفقر لابد
على الحصيره
بيقول يا عابد
زحزحني
والزير حدايا
من البدايه
وانا اللى سانده
على النقايه
بيقول يا عبده
زعزعنى
والقلب شابى
على الغلابه
رفع علىَّ
قوس الربابه
وقال يا بابا‏….‏
زغزغنى..‏
اسمع يا ولدى
من غير شماته
دلوقتى ردّى
على التلاته
بنيت فى سدّى
زعزعت زيرى
على مزاجى
يا إقطاعيّه
وغار أذاكِ
زغزغ لى قلبى
عدوّ باكى
زحزحت فقرى
وانا فداكِ
يا مصر لمّا
لقيت ضناكِ
اول ما يَنْشَأ
حرية ينشَق
اول ما ينطق
يقول وراكِ
انا اشتراكى
يا مصر ياللى
اسمك فى ريقى
عارف طريقى
والمشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s