المسحراتي فؤاد حداد (43) احفظ دروسك

Posted: 14 أغسطس 2011 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
باقول ياليلى
وباقول يا عينى
راحت ليالى
وجَتْ ليالى
وكان سمرها
فى العين نقاوه
لطلوع نهارها
فى الروح حلاوه
ليالى نارها
على هداوه
شوف الشقاوه
الليل دا زى الــ
ـلى لسه عيِّل
والبدر ميِّل
عليه وقال له
احفظ دروسك
تاخد فلوسك
أصبح فانوسك
تقول يا حللو
انا كأنّى
بدّلت سنّى
يا مسهرينّى
تعالوا حلّوا
أنا كنت لِبّه
وزدت حَبّه
صبحت قُبه
على تاج محلُّه
طالبين زياده
من لبّه عاده
طالبين سعاده
السد علوا
وغنَّى شاعر
وعاد مهاجر
وكل قادر
وجد عمل له
الله كلامه
نشر سلامه
على اللى صاموا
وعلى اللى صلوا
والمشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
من بورسعيد للصعيد يا مصر سابقه العيد
ولابسه أخضر جديد ومن المعادن تاج
ومنوره الدنيا بالأفراح وبالعناقيد
وطارحه صلب وحديد قبل الميعاد إنتاج
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s