المسحراتي فؤاد حداد (44) عرب مصاروة

Posted: 15 أغسطس 2011 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
نازل الليله دى
بمزاج فرايحى
قالت مراوحى
يا قلب إهدا
أنا قلت إيه دا
خليه هليهلى
مزاحى يجلى
إحجل يا حجلي
أنا مش طاووس
حاطير برجلى
يا دوب أدوس
أرضى تبارك لى
عاوز أبوس
على ترابها
مناخ عربها
حتى سرابها
يشفى النفوس
هِىَّ اللى هِىَّ
الإنسانيه
أم الليالي
أم الشموس
سرقت خيالى
وطبلى صهلل
وقلبى شخلل
زى الفلوس
وزاد جنانى
وفاض حنانى
وكسر سنانى
العرقسوس
لفى يا ساقيه
دور يا قدوس
إحنا بصراحه
عرب فلاحه
فينا السماحه
عرب مصاروه
فى مصر أرحم
بلد وثوره
فينا اللى شحّم
زى اللى جيّر
كبير صغيّر
شايلين فانوس
ومن صعيدى
لبورسعيدى
إيدك وإيدى
على الغموس
والمشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s