المسحراتي فؤاد حداد (45) صاحب مَزِيّه وأستاذيه

Posted: 16 أغسطس 2011 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
يا سيداتى
و سـادتى
بعد التماسى
أنا التماسى
يدوم حماسى
وعادتى
أنا قلب أخضر
بفروع تجرجر
من الشجرجر
مـودتى
من غير أَذيّه
صاحب مَزيّه
وأستاذيّه
فى مادتى
وانا فى انسجامى
ما انساش لجامى
تحكم كلامى
إرادتى
وباقول ياقافيه
المعنى أفيد
ولا حرف أزيد
عن حاجتى
وانا اللى مؤمن
بالله ومؤمن
بالإنسانيه
و  بالتى
كـأنى من يـوم ولادتى
المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
أنا كنت فلاح وكان محراتى آه ورا آه
وكنت عامل ما حدش قدّره ورآه
وكنت شاعر تئن اقلامى يا ورقاه
دلوقتى صوتى فرايحى فى العزيق والحرت
طبّلت أنا وسحّرت
قَبّلت انا وبحّرت
وصبحت انا مســحـراتى سمع الدنيا
ودب مطرح ماحب وكلمته العُلْيَا
من فجر يوليه اللى شافه وطيِّبه ورقاه
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s