المسحراتي فؤاد حداد (46) الأشيا معدن

Posted: 17 أغسطس 2011 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
لقَيْتُ أهلاً
نزلتُ سهلاً
الأرض بِرْحه
والأشيا معدن
وليالى سمحه
نجومها سبحه
إن كنت نايم
يا نايم اصحي
شوف قلبى هايم
واخدنى فسحه
مافيش مآسي
على غير مقاسى
يا أبو قلب قاسى
ما بطّلوا دا
فى مصر ثوره
عفيّه قادره
أيادى سمرا
وأنفاس ودوده
وايام تزامل
فلاح وعامل
بالخير حوامل
الخير ولوده
واللى فى خيالى
صبح محقّق
أحضن عيالى
وابوس وازقق
وانشد ليالى
بقصب يزقزق
باشيل تلالى
بالكوم وباعزق
فى نجوم تلالى
عمال أبعزق
والمشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
بلدى على النيل ، وساكن عشّ وبنانى
والحمد لله بنيت السد وبنانى
غنيت وعشت الأمل وسجدت فى رمضان
للى خلقنى وعلمنى البيان رحمن
قادر يسوى بناني
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s