المسحراتي فؤاد حداد (48) برجالات

Posted: 19 أغسطس 2011 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
حالف أتنّى
لحد آخر
رمق أغنّى
واقول وانادى
واشرح وادادى
والنديا تنظر
لقمر ودادى
تلاقيه بينخل
فى سبوع ولادى
أنا اللى تارك
فجر الليله دى
باعرف أشارك
يا شمس نارك
واعرف أبارك
واعرف أهنّى
واعرف أقلد
إيدين تولد
الكتمه ولت
والنور حَضَنِّى
كان حق واجب
من غير تجنّى
كل الكواكب
تشهد لفنّى
يا اهل السنيّه
والأستفندى
الفن صادق
والأصل أصدق
والإنسانيه
والحب مبدأ
والهون يدقدق
ميت ألف دقّه
ماهيش ملاحقه
أبريق يبرّق
وقله رايقه
أخوها شفشق
وصاحبها سقّا
ومســحـراتى
والنور يفرّق
مكسراتى
والمشى طاب لى
         والدق على طبلى
ناس كانوا قبلى
          قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
                    حته من كبدى
                               حته من موال:
قالوا السبوع يا حسن أنا قلت برجالات
من حسن إبنى حسن أنا عقلى برجالات
الله كرمنى اتولد لى إبن فى رمضان
أنا قلت فى رمضان الوِلْد برجالات
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s