المسحراتي فؤاد حداد (49) ولا كل مين

Posted: 20 أغسطس 2011 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
ولا كل مين
فى الظلمه شقّر
طبل ونقّر
يعرف يسحّر
يا مسلمين
ولا كل مين
عاش فى الحديقه
وقال فيه حريقه
على الحقيقه
أصبح أمين
ولا كل مين
حَطّ اللاوندى
ع القلقشندى
ينفع أفندى
فى الفلاحين
ولا كل مين
كسّر سنونه
وعمل لى نونو
يصدق جنونه
ويرجع جنين
ولا كل مين
له كلمه صابحه
فى ربع صفحه
وآراؤه صالحه
صلاح جاهين
وانا صحت صَيْحه
ولا كل مين
سحر وصحّى
المشى طاب لى
         والدق على طبلى
ناس كانوا قبلى
          قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
                    حته من كبدى
                               حته من موال:
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s