المسحراتي فؤاد حداد (56) ليلة القدر – ألحان وغناء/ سيد مكاوي

Posted: 27 أغسطس 2011 in مختارات أدبية, أغاني وموسيقى
الوسوم:, , , ,

اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
يا رب يا رب
أنا ذو شجن صب
اهدينى للصبر
أخدم فى ناسى
ويدوم حماسى
وأوفى بالندر
وقلبى مالى
أبدر آمالى
للعالمين بدر
الرايه قلعى
والصارى ضلعى
قادر على البحر
للسعد إبنى
ولعينى جفنى
وللأمان بر
مالكين مصيرنا
ينصر ناصرنا
صبح لنا قدر
فى كل ناحيه
عينينا صاحيه
يا ليلة القدر
ليله بكل السنه
الطاقه عرض السما
والطاقه فى الصدر
والمشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
يا بلدى نورك سَرَح فى كافة الأمصار
بدر الآمال بدر
مهاجرين فى سبيل الله مع الأنصار
غزينا فى بدر
ووفينا بالندر
لمنزل الوحى هادى الوحى والأبصار
فى ليلة القدر
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s