المسحراتي فؤاد حداد (78) حاج راضي

Posted: 8 أغسطس 2012 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
يا حاج راضي
شيخ مصطفي
نورك جايبني
نطرح ونبني
رمضان واهبني
سهل ،ودفا
ندى وسماحه
سمر جماعه
يا ألف قاعه
ومضيفه
يا ميت سرادق
تحت البيادق
على نمارق
مزخرفة
والشمس مركب
مشوارها معجب
وكل مغرب
دمعه انطفا
ابسط يا صايم
هلت نسايم
وقلنا دايم
وبالشفا
وناس أحبه
زادونى لبه
كل السعاده
فى دى الزياره
وأن أراهم
مبدأ تراحم
واقول كفي
أقول كفاني
رمضان وافاني
وإيدين تفاني
وقلوب وفا
مسهله له
دار الصفا
مسا هلاله
ما ألطفه
والمشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
هات يا زمن هات تلات بلاحات وبق حليب
أبدأ فطارى على سنة رسول وحبيب
أشم ريح الحجاز أسمع تهامه ونجد
أشهد أعالى الشرف أحمل أحن الوجد
أقف بمجد العرب فى كل جمعه خطيب
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s