المسحراتي فؤاد حداد (82) سلامات

Posted: 11 أغسطس 2012 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
بميم وضمه
مـنـقـراتى
وقد أتمه
موال قصيده
آمال عريضه
ثلاثين فريضه
فلا مذمه
ويا عم شاكر
تلاقينى باكر
يا إسم باهر
على مسمسي
ويا عم سيد
الفرن عيد
بكعك جيد
مناخيرى شامه
وسلام يا عمي
عبد الجليل
وسلام يا عمي
فضل الفضيل
وسلام يا اخوي
عم اسماعيل
وعم عبده
وأما بعده
وبعده أما
قاضى العداله
بالمهر غالي
لبنت خالَه
وبنت عمَّه
صابحين عرايس
والقلب راقص
وانا اللى راصص
معانى هامه
مقص هينا
ومقص هينا
يعود علينا
بركاته عامه  المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
المؤمنين الفوارس والجناينيه
جمعوا السحور الزهور فى صحبه أغنيه
صدق العمل واللسان والقلب والنيه
كرامة الإنسانيه جنه الأوطان
يعود علينا بنصر المؤمنين رمضان
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق

 

 

 

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s