المسحراتي فؤاد حداد (83) القلوب عند بعضها

Posted: 12 أغسطس 2012 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى حضر
مـنـقـراتى بدر
صوته بين الحوارى وبين البيوت
أنا طول عمرى مغرم أفوت
أذكر الحى وابدأ ندائى الطويل
كل قلب سمعنى دليل
أنا صاحب جميع البيوت فى الظلام
لما اسلم ترد على السلام
ياما بينى وبينها كلام
كل ما نور ولع والا نور انطفا
يا حنينى إلى الحواديت والدفا
أنا زادى وزوادى ساعة السحور
كل كلمه بتطلع من القلب نور
علت السد شقت فى بطن الجبل
طوعت فى الحديد خضرت فى السبل
علمتنا نواصل أمل
اللى كان وده يا مصر يا أمنا
القلوب عند بعضها مطمنه
المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق

 

 

 

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s