المسحراتي فؤاد حداد (86) حقيقه باقيه على الزمن

Posted: 15 أغسطس 2012 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى بأمر السميع
مـنـقـراتى يصحى الجميع
فى كل دقه معنى وشجن
فى كل حبة تراب‏:‏ وطن
فى كل ثانيه من الزمن
أمنيه وصلت لعندنا
أمل بيحدف لبعدنا
وياما ليله ياما صباح
وياما أغنيه فى البراح
وياما عادت ورمضت
وفتحت لى وغمضت
وياما ظُهر وضلة شجر
فرشنا منديلنا فى الغدا
ويا ما طولنا فى السمر
وياما سحرنا فى الندي
وياما هاتف وياما رؤيا
ونور وحلم وخيال ودنيا
حنين ولا ينتهى الحنين
جنود صنايعيه فلاحين
كنا حياته وأمته
وياما قاسمنا لقمته
وياما عشنا بكلمته
حقيقة باقية على الزمان
نبنى المصانع مع السدود
ياما العرق يسعد الإيمان
وينور الحى والخلود
المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق

 

 

 

Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s