المسحراتي فؤاد حداد (88) أعرف شيوخي

Posted: 17 أغسطس 2012 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
كان فى جهاتى
عم اسماعيل
يرمى سلامه
ويقول لى ميل
يبدأ كلامه
بأرق نبره
سيره علامه
عبره وخبره
مطلب جليل
أول شيوخي
إيمان دليل
دليل عيني
ودليل إيدىّ
وله علىّ
حق الجميل
تانى شيوخي
أسوان ونيل
قديم مجود
جديد مجدد
دايما أصيل
تالت شيوخى
الحق ينهض
على خط أبيض
النور يفضفض
والليل يشيل
رابع شيوخي
لازم أراعى
قوة دراعى
بعقل واعى
وبال طويل
خامس شيوخى
شاعر معانى
سند الأغانى
بخوص النخيل
ساتت شيوخى
شرع المحبه
لا منه حبه
ولا فيه قليل
سابع شيوخى
فوج المدارس
من ابنى فارس
لاخوه نبيل
لبنتى عزه
عاشت الاساتذه
من كل جيل   المشى طاب لى
          والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق

 

 

 

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s