المسحراتي فؤاد حداد (89) الوقفة

Posted: 18 أغسطس 2012 in مختارات أدبية
الوسوم:, ,
اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى
مـنـقـراتى
خفّت آهاتى
وقلبى طاب
غار البطوله
مع الطفوله
للأمهات
فصل الخطابْ
لا حسّى خافت
ولا عينى خافت
الثوره على الكل سـاهره
فَرَدتْ قوامى
وآن أوانى
كل الأمـانى مُجَـاهِـره
رقصت شعبى
دقيت بكعبى
على تيجـان الأبـَاطِره
قديمى شافع
وجديدى نافع
ألهمـنى بلبل وطـائره
آه يا حوارى
ويا كبارى
ويا مـداين ويا قـرى
نبات ومعدن
وديوك بتدّن
والاشـتراكيه ظـافِره
فى قلبى ساعه
زى الاذاعه
دقـاتها مبهـوره باهِرَه
مع العروبه
بحبال طروبه
هنا الليـالى والقـاهره
للى هواها
يهدى التواهى
أمـل ودنيـا وآخـره
والمشى طاب لى
         والدق على طبلى
ناس كانوا قبلى
          قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
                    حته من كبدى
                               حته من موال:
هدوم ولادى جديده وبرتقالى جديد
والوقفه وقفه لها سقفه ولها ترديد
سحرت تسعه وعشرين يوم بعزم شديد
يدوم وقبلى وبعدى ومن قريب وبعيد
كل الديـوك والمـآذن
كل النبـات  والمعادن
                         تدن لفجر العيد
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s