أغنية (غريب يا زمان) عمر بطيشة ـ محمد سلطان ـ فايزة أحمد

Posted: 25 سبتمبر 2013 in أغاني وموسيقى
الوسوم:, , ,
زمان غريب يا زمان
يا زمان ما لكش امان
تفرق ليه قلوب مشيت
سوا مشوارها واتعاهدت
وفرحت قد مافرحت
ويوم ما قربت بعدت
وكنا زمان اعز اصحاب
وعشنا عمرنا احباب
وآه لو بايدنا ما كناش بعدنا
ولا ليلة واحدة وكنا فضلنا
سوا للنهاردة وبعد النهاردة
حبايب حبايب ما يقدر علينا الزمان
غريب يا زمان
***
يا ما فرحنا الليالى وكل ليلة عيد
يا سهرنا النجوم فى الحب والمواعيد
كنا دايما كل ايامنا سوا
كنا حتى كل ما نبعد سوا
فاكر وإيديك حاضنة إيديا تحلفلى ها تفضل هنا على طول
مش كدة يا حبيبى وانا وحدى وخايفة ليالى البعد تطول
وآه لو بايدنا ما كناش بعدنا
ولا ليلة واحدة وكنا فضلنا
سوا للنهاردة وبعد النهاردة
حبايب حبايب ما يقدر علينا الزمان
غريب يا زمان
***
احنا افترقنا ليه
احنا جرالنا ايه
ازاى فى ليلة واحدة
نرضى بفراقنا والدنيا شاهدة
هو الزمان ايوه الزمان
ما اقدرش اقول غير الزمان
ياما الزمان فرق وجمع قبلنا كتير من زمان
عشت بعدك حاضنة عهدك
والليالى تخص مين
عشت بعدك بس بعدك تضحك الايام لمين؟
وآه لو بايدنا ما كناش بعدنا
ولا ليلة واحدة وكنا فضلنا
سوا للنهاردة وبعد النهاردة
حبايب حبايب ما يقدر علينا الزمان
غريب يا زمان
***
يا اللى واخداك الليالى بعيد
وغايب عن حبايبك
يا اللى وحشانى عينيك
ويا ريتنى يطول العمر جنبك
يا ما استنيتك ومعايا طيفك ليل ونهار
ياما اتمنيتك تيجى
ما لقيتك وفايتنى فى نار
وازاى اعيش هنا وما تكونش هنا
والله حرام فراقنا ده عن بعضنا
انا حجيلك انا والله حجيلك انا
ولما اجيلك راح نقول
احنا كنا لبعض وهنفضل سوا
والزمن للعاشقين احسن دوا
وادى احنا بإيدنا وأدي احنا بعدنا وادى احنا رجعنا
حبايب ما يقدر علينا الزمان
تعليقات
  1. naela قال:

    jCorrection

    احنا افترقنا ليه
    احنا جرالنا ايه
    ازاى فى ليلة واحدة
    نرضى بفراقنا والدنيا شاهدة – وليس والدنيا تانية

    أعجبني

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s