أغنية (ظلموه) حسين السيد ـ محمد عبد الوهاب ـ عبد الحليم حافظ

Posted: 9 سبتمبر 2014 in أغاني وموسيقى
الوسوم:, , ,

ظلموه .. ظلمـوه ..
القلب الخالي ظلمــوه
قابلوه .. شبكوه ..
وارتاحوا لما شغلـوه
وعدوه .. يـزوروه ..
ونهار ما افتكروا يهنــــوه
نسيوه .. وفاتـوه ..
واتاريهم قبل ما ينسـوه
ظلموه .. ظلموه
***
طول عمري قلبي خالي ويخاف من الغــرام
من كل رمش جارح في نظرة وابتســام
كانت العيون تقابله وتلمح بالكــلام
يهرب من قبل حتى ما يردلهم ســلام
لحد عينيك ما قابلوني
نسيت روحي وتاه عقلـي
وطال الشوق وظلموني
واتاري القلب هوّ اللـي
ظلموه .. ظلموه
***
جبت الطبيب يداوي سألني الجرح فيـن
قلت اسأل دق قلبي اللي زايد دقتيـن
سمع في القلب حاجة وقال ده رمش عين
صاحبه رماه وناسي بقاله جمعتين
لحد عينيك ما قابلوني
نسيت روحي وتاه عقلـي
وطال الشوق وظلموني
واتاري القلب هوّ اللي
ظلموه .. ظلموه
***
انا اللي السحر دايما كنت اهرب من عينيه
وانا اللي قلبي عمره ما حد جار عليـه
ازاي حبيتك انت وحبيتك انت ليـه
احتار القلب يسأل واحترت اقولّه ايـه
لحد عينيك ما قابلوني
نسيت روحي وتاه عقلي
وطال الشوق وظلموني
واتاري القلب هوّ اللي
ظلموه .. ظلموه
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s