أغنية (الشارع لمين؟) صلاح جاهين (بليغ حمدي – سيد مكاوي) ماجدة الرومي ـ أمين الموجي ـ ماهر العطار (من فيلم “عودة الابن الضال” إخراج/يوسف شاهين)

Posted: 13 أكتوبر 2014 in أغاني وموسيقى
الوسوم:, , , , , , ,

إبراهيم: والآن إليكم أيها الصحبة مشهد علي المدبولي أمام طلبة
ماجدة الرومي كطلبة:  أبدا .. من ميت شابورة مفيش خروج أبدا، تقعد هنا وتباشر العزبة
علي: انا مش تبع مخلوق يا سيدنا البيه، انا حر في اللي يقول ضميري عليه، وان كنت تحكم جوه ملكوتك، الشارع الواسع فاتحلي إيديه
ماجدة الرومي كطلبة: الشارع الواسع ده ليا كمان.. ده ليا
علي: لا يا ابن ابويا حضرتك غلطان، قولوله يا ولاد الشارع لمين، قولوله لا يكون البعيد غفلان، الشارع لمين؟
الجماهير: الشارع لنا، احنا لوحدنا، الناس التانيين دول مش مننا، دول ناس انانيين في مكانهم واقفين، دول مش مننا
الجماهير: ياللي مشيت الشارع طوله وعرضه شمال ويمين، خدك الشارع خدته وطرت بعيد عن الظالمين، قولنا ايه اللي انت كسبته، ايه اللي لأصحابك جبته؟ احكيلنا وطول واروينا، دا احنا عطشانين ومتشوقين
علي: الشارع كان شوك، وانا حافي ودمي عليه سيال، وورايا وقدامي سراب وبغرق في الرمال
الصديق السوري: قول يا نبع يا صافي قول اتكلم
علي: ما تفكرنيش أنا بتألم
الصديق الجزائري: أبدا مش ده كلامك يا زين الرجال، يا سيد العاقلين.. والشارع لمين؟
الجماهير: الشارع لنا، احنا لوحدنا، الناس التانيين دول مش مننا، دول ناس انانيين في مكانهم واقفين، دول مش مننا
شخص: بقى كل اللي مشيته كان شوك
علي: شوك وتراب ودموع
الصديق الجزائري: كل اللي حلمنا بيه سراب
علي: سراب يعمي العيون
الجماهير: يبقى انت تهت في الطريق
علي: أبدا ما تهتتش في الطريق، لكن مطرح ما غيري لقى النجوم لقيت شجون ودموع وأنين
الصديق الجزائري: لكن الشارع لمين؟
الجماهير: الشارع لنا، احنا لوحدنا، الناس التانيين دول مش مننا، دول ناس انانيين في مكانهم واقفين، دول مش مننا
علي: مشوار بديته وقلبي بالأمل مليان، جمل الطريق عضني وطلعت انا خزيان، احلى ما في الحلق طعم المر من الذكرى، شوفوا المرار لما يبقى حلو يا جدعان
ماجدة الرومي عن الجماهير: كان وعد منك، كان حلم منا، قالت الشفايف، شافت عيونا قوس الشتوية سبع الوان، كان ده كان
شخص: الحق حاجة في الشارع حصلت حالا يالا نشوف، الحق.. الحق.
إبراهيم: نساعد الراجل يرفع عربيته، ده البطيخ كله راح
الجماهير: أيوه أيوه والله رجعت يا علوة لعهد الشطارة والأيام الحلوة
ماجدة الرومي: المرمر الأحمر، ينشق ينور، يتفجر رماد بالأمر يخضر، لبن العصفور في ورق سلوفان، كان وعد منك، كان حلم منا، قالت الشفايف، شافت عيونا قوس الشتوية سبع الوان، كان ده كان
الجماهير: أيوه أيوه والله رجعت يا علوة لعهد الشطارة والأيام الحلوة
ماجدة الرومي: وكمان كان منك وعد يا وش السعد تيجب السعد لأحبابك، تقيم الحل لكل ميزان اختل تشيل الذل عن أصحابك، كان وعد منك، كان نورفي عيون إنسان غلبان.. كان وعد منك، كان حلم منا، قالت الشفايف، شافت عيونا قوس الشتوية سبع الوان، كان ده كان
الجماهير: أيوه أيوه والله رجعت يا علوة لعهد الشطارة والأيام الحلوة
علي: جننتيني يا بنت يا بيضة وجننتيني
ماجدة الرومي: جننتيني
المجموعة: المرمر الأحمر، ينشق ينور، يتفجر رماد بالأمر يخضر، لبن العصفور في ورق سلوفان
ماجدة الرومي: وحيرتيني يا بنت يا بيضة وحيرتيني
الجماهير: الشارع لنا، احنا لوحدنا، الناس التانيين دول مش مننا، دول ناس انانيين في مكانهم واقفين، دول مش مننا
علي الشريف: بس انت وهو، ضربة في قلبك من جوه، شارع مارع صحن كوارع، دنا بالنار رمز القوة، ياللا كله يخش الشق، مفيش لأ وشد ومأ، مفيش بغبغة هنا ولا مغمغة هنا ولا زقزقة هنا ولا فيه نأ، يللا كله يخش الشق
تعليقات
  1. الحسن قال:

    تصحيح:
    الصديق كان جزائري مش سوري

    أعجبني

  2. ahmed قال:

    هذع الاغنية ليست لحن الطويل ولكنها لحن بليغ حمدى مع سيد مكاوى

    أعجبني

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s