أغنية (منازل) أحمد مرزوق – محمد رحيم – أصالة

Posted: 4 يونيو 2015 in أغاني وموسيقى
الوسوم:, , ,

ماشية ما بين الناس بالنية والتساهيل
يا ما دوقوني الناس أحزان كتير وقليل
وأول ما جاني العشق فرحني وعلمني أقول مواويل
ويا دنيا نفسي ارتاح في قلبي جراح بطول النيل
***
قلبي خدني وراح لحدود الشام عداني
والزمان جراح بعد العشم عاداني
لو يقولي سماح راح اقيدله شمعداني
والفؤاد يرتاح في القرب تاني وأي والله
ما نازل من المنازل غير لما حبيبي يطول أعلى المنازل
***
كنت لسه بنية يا با على الاحلام لاموني
من طياب النية قطف الألم لموني
صادني كالبنية ولولا لملموني
جوز عينيه البنية لم قمت تاني يا ناس والله
ما نازل من المنازل غير لما حبيبي يطول أعلى المنازل
***
إيه في الخلايق صاير لو المسك كارهالي
كره يعمي بصاير لبواب مسكرهالي
عصروا في قليبي عصاير وهواك مسكرهالي
والغرام ده مصاير ونصيبي حبك أي والله
ما نازل من المنازل غير لما حبيبي يطول أعلى المنازل
***
يامة رايح جاي وعيونه دي مغزلاني
قالي صبي الشاي يا أم العيون غزلاني
فات عينيه جواي زي الحرير غزلاني
شوف كسفني ازاي حمر خدودي يا ناس والله
ما نازل من المنازل غير لما حبيبي يطول أعلى المنازل
***
العداوة حرام ليه تفضل ليه تعادي
يرضي حد تنام وانا اسهر للسعادي
مهما قلت كلام في غرامك لسة عادي
كل ده يا سلام وانا قلبي حالف طب والله
ما نازل من المنازل غير لما حبيبي يطول أعلى المنازل
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s