أغنية (قبل المغرب) فتحي قورة ـ عزت الجاهلي (ثريا حلمي – شفيق جلال – محمود شكوكو – محمد رشدي)

Posted: 24 يونيو 2015 in أغاني وموسيقى
الوسوم:, , , , ,

المجموعة: قربت الشمس تودعنا والمغرب يدن ويجينا
شفيق جلال: والصايم يفطر
المجموعة: والسهرة الحلوة هتجمعنا للفجر ما حد يصحينا
شفيق جلال: علشان يتسحر
المجموعة: يا سلام على ساعة العصرية نسمع في الردايو القرآن
ونشوف أحيانا البلدية نفطر حلاوتها في رمضان
ونحضر بإيدينا فطارنا، والمغرب نعزم على جارنا
والمدنة بنورها تنورنا وتزود بهجة ليالينا
شفيق جلال: والصايم يفطر
***
ثريا حلمي: اديني يا عم حسين طرشي واتوصى
شفيق جلال: عينيا الاتنين، حاجة حامية؟
ثريا حلمي: لأ ما تكترشي
شفيق جلال: وبكام يا عروسة؟
ثريا حلمي:بقرشين، أنا احب الفلفل من صغري
شفيق جلال: ده بيفتح نفس الناس دوغري
ثريا حلمي: أصله في رمضان بيكون مغري، اخلص بقى ومشينا
***
شفيق جلال: اديني قوام ياللا شوية والخالص ما تحطش زيت
محمد رشدي: على عيني
شفيق جلال: طب فين الميه؟
محمد رشدي: يا سلام دنا أوصل للبيت
شفيق جلال: أنا متهيألي يا سيدنا ولا قدرة بحالها تكفيني
محمد رشدي: له حكمة في ذلك
شفيق جلال: يا سلام
محمد رشدي: أمال
شفيق جلال: وحياتك تديني
محمد رشدي: علشان لا مؤاخذة اللي يصوم بيحس بحال المحروم، مش كدة يا جماعة؟
المجموعة: أمال، اديه بقى ياللا وادينا
***
= هات حتة يا حاج تكون حلوة
شكوكو: على عيني وراسي يا قمورة، م الدوش؟
= لأ من بيت الكلوة، واختارلي كمان نص ماسورة
شكوكو: عاوزاها بتلو؟
= كندوز وصغير ما يكونش عجوز
شكوكو: أدي حتة مشفية وناعمة، وادي ركبة كمان
= من غير ما تقول حتكون فيه أمارة عشان رمضان
شكوكو:  ما هو شهر الخير، شهر النعمة، شهر الإحسان، وقليله كتير يبقى يا زينة
= خد ياللا حسابك يا أخينا، خلينا نروح خلينا
***
شفيق جلال: هات نص كنافة يا سي جلال والنبي تكون بس طرية
– محشية يا حضرة؟
شفيق جلال: أمال، أنا دايما احبها محشية، بقطايف وكنافة تحلي
– لكن رمضان أحلى تملي، ولا ألف محل على محلي حلاوتهم عنه هتغنينا
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s