أغنية (شفطة بُن) مصطفى الجارحي ـ مصطفى رزق

Posted: 30 سبتمبر 2015 in أغاني وموسيقى
الوسوم:, ,

بفتح عينيا بشفطة بُن
و اقفلها ع الشفطة التانية
مين اللى عدت من ثانية
على رجلى داست معتذرتش
مديتلها الرجل التانيه ..
***
ألاقيش معاك فكة اوجاع؟!
قال فيه ورق وكمان فضه ..
طب هاتلى قهوه بدون نعناع
راح جابلى سحلب بالخضة
***
ألوانى نقاصها بالتة
دور حصانى على كارتة
و عينيا لا صبحت سته على سته..و لا بتشوف أحلام
***
الواني بهتت م الركنة
بعد الشقاوة بقت ساكنة
نص اللسان بقي فيه لكنة
و النص مابينطقش كلام
***
ألوانى مش لاقية اللوحة
ريحة ريحان و لا ملوحة
مؤنث البوح مش بوحة
ولا الشجر بيفر يمام
***
ولا الليالى مدام أيام
انا حزن لياقة و تنية كم
كل ما ادور الاقى شراقى
الورد بيترجانى اشم
والمية تأجرني ثواني
لابس مقلم على سادة
و بستعيذ مـ الحسادة
القهوة ليه صبحت سادة
شجرها يا ابنى تجيب أنسام
***
اصبحت يا قلبى شوارع.. أسفلت، دكاكين، عربيات
مع إن طولك مش فارع.. وتملي عملك بالنيات
بفتح عينيا بشفطة بُن
و اقفلها ع الشفطة التانية
مين اللى عدت من ثانية
داست على الرجل التانية
Advertisements
تعليقات
  1. تجربة رائعة وفريدة اللالبوم بالكامل

    إعجاب

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s