أغنية (لإنك خايف) أحمد حلمي – محمد فضل

Posted: 25 أكتوبر 2015 in أغاني وموسيقى
الوسوم:, ,

ولأنك خايف تتشاف
فقبلت بكونك شفاف
ورضيت بالحلم المقصوف
إكمنك خايف م الجاف
لفيت أحلامك في سجاير
وزهدت الشارع في يناير
ولإنك خايف بردان
فصلت من الشعر لحاف
***
غَمِّيت الحلم وغَمَّاني
وجرينا ولكن عَدَّاني
ولاعبت السكة على الأخر
فرجعت الأول من تاني!
سَبِّيت الدنيا وسَبِّتني
وكِرهت الدمعة وحَبتني
حَبِّيت البنت اللي نستني
فسَلَكْت الدَرب الوَحْدَانِي
يوميًا ببدأ وبخطِّي
والحزن يدلدق من خَطِّي
فيعري في جَرحِي المتغطِّي
ويصَحِّي العقل الجُوانِي
والخوف يوميًا يكسرني
والحلم سَاتَرنِي وبَشَّرنِي
ولكن الواقع عرَّاني
الوحدة تملي تعريك
والليل يوميًا يبريك
الضلمة بتاكل من روحك
وده كله لإنك خواف
بتخاف اللعب المكشوف
وف حضرة حلمك بتسمي
بتخاف لتفتَّح فتشوف
ولذلك عايش متغمِّي
إكمنك خايف تتكعبل
متصنم واقف ف مكانك
والوقت بيجري ومستعجل
تتهرب قبل أما تجرب
وتخاف لتقَرَب تتكهرب
عمرك ما صارعت مع الساعة
إكمنك خايف م العقرب
***
صابني غَمّ وليل واجعني
كون أصَمّ ف مش سامعني
عاشقه صَمّ وخوف مانِعْنِي
اشتريه برخيص يبعني
أنا الماضي اللي مش بنساه
وانا الجاي اللي بستناه
وانا الكنز اللي بجري عليه وأخاف ألقاه
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s