أغنية (حرية) أمير عيد – كايروكي

Posted: 1 أبريل 2016 in أغاني وموسيقى
الوسوم:, ,
اسمع مني المفيد عاهات كتير وتقاليد
المجتمع اجتمع ضد التجديد
فكر الناس تعبان عيان و مريض
ابحث معايا ودور ع المستفيد
المستفيد هو المتحكم فيك اللي ممشيك
جنب الحيط بيجيبك ويوديك سيطر عليك
حابسينك جوه نفوخك قضبان السجن خوفك
بتخاف تفكر بحرية لحد يشوفك
كلامي مش ضد النظام فقط كلامي ضد العبيد كمان
لو ميت الف نظام سقط هنفضل برضه في نفس المكان
في حاجات وتساؤلات وعادات بقت عاهات
وتقاليد محتاجة تجديد والتاريخ عمال يعيد
في حرب ضد الحرية و الحرية دايما ممنوعة
كل العقول الرجعية كلمتهم هي المسموعة
اتربينا علي ان الحيطان ليها ودان
طب انزل بالمزيكا سمعهم بالفم المليان
لو دي اخر أغنيه ليا
هفضل أغني عن الحرية
قولوا معايا بصوت عالي
حرية
***
حريه يعني تغير
يعني حريه في التفكير والتعبير
حريه يعني اختيارك مش اختيار الغير
صراع اجيال ع المكشوف اصبح عيني عينك
عاوزينك تمشي علي خط سيرهم مش خط سيرك
الكبير عاوز يعيش في الماضي وع الحاضر يسيطر
بيفكروني باعلان اسكنشايزر
مهما اتتكلم صوتي مسموع
كلامي دايما بالنسبالهم فارغ وممنوع
سبني احلم حلم جديد وخارج عن المألوف
مش عاوز امشي في قطيع زي الخروف
بلدنا شابه يعني اغلبها من الشباب
قتلتوا فيه الولاء و قفلتوا في وشه الأبواب
عندنا احلام كتير اديني فرصة اسوق
انا كل هدفي اشوف بلادي فوق
رقم سبعه ممكن يبقي تمانية
لو بصيت عليه م الناحيه التانية
لو دي اخر اغنيه ليا
هفضل اغني عن الحرية
قولوا معايا بصوت عالي
حرية
***
قال ايه بيقولوا عليا خايف
اركن ياض علي جنب و حط احمر شفايف
عملت ثورة جوايا و لسة مستمرة
الحلم عايش معايا كلمتي لسه حرة
غنيت في كل العهود وكنت الصوت ساعة ما يحبوا الدنيا سكوت
الحرية يعني تضحية و اختبار وانا قد المسئولية وللاخر هكمل المشوار
انا مش لوحدي انا فكرة زي البذرة هتدفنوها هتطرح بكرة
عمري ما هبيع احلامنا والشهيد اللي سبقنا
خدني علي سجنك خليني اشوف شبابنا
الرجالة بحق في السجون ساكنة
لو دي اخر اغنية ليا
هفضل اغني عن الحرية
قولوا معايا بصوت عالي
حرية
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s