كتاب (وشوش سادة) مشاعر “3”

Posted: 17 نوفمبر 2016 in لوحات يوسف, نصوص وخواطر
الوسوم:
نصوص/ أيمن عبد المعطي
لوحات/ يوسف أيمن
تصميم/ نبيل السنباطي
الناشر/ روافد للنشر والتوزيع (2014)

%d8%b525

تعرف إيه اللي مصبرني على الدنيا؟ إني ما ليش نفس أموت، واني كمان ما تعودتش أهرب، بقاوم للأخر بدماغي الناشفة.. والصبر المتصلب جوايا زي المدفع.
أنا عارف انه مش طول الوقت الصبر بينفع، بس معايا حاله بيمشي، وكمان مش مالك غيره.
ومش فارقة كتير لو صادف يوم وجاني الحب ولا ماجاشي، ما دمت لسة بتنفس أحلام وأماني وحاجات وجعاني كتير ما بتتحققش.
تتصور إن بقالي سنين، وأيام، وثواني شاعر إني متاخد، ومستسلم للرحلة وكأني بجد مصدق إني مسافر، مش عارف يمكن يكون خيالي وسيع، أو يمكن إحساسي بأني بضيع ومش واخد بالي.
طول عمري كنت الشاري وببيع بس في عمري، والدنيا ما بيفرقش معاها إذا كنت مضحي بعمرك لجل الناس ولا أناني. الدنيا بتشوفك مجرد نقطة وبتبدأ سطر جديد طول الوقت، ونا ماشي زي الخط، وتعبت م المط وطول السكة.
كان نفسي أكون مجرد كلمة حروفها تتكسر بسهولة، يمكن وقتها كنت أحب الدنيا وأعيش مرتاح، أو أموت من غير ما اتحسر على حاجة فايتها وما كملتش بسببي.
كان نفسي أبطل أبقى صريح، أخبي العالم كله في عبي، وأعمل مش فاهم حاجة، أطلع للحزن لساني ونا ماشي بتقصع م الفرحة. كان نفسي أبطل دور العاقل، وأعيش مهووس بجناني، لكن طول الوقت بعاني م الوحدة وضيق الوقت، والعالم قطر سريع ونا لسة ما بطلتش نهجان.

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s