كتاب (وشوش سادة) بحر “3”

Posted: 20 نوفمبر 2016 in نصوص وخواطر
الوسوم:
نصوص/ أيمن عبد المعطي
لوحات/ يوسف أيمن
تصميم/ نبيل السنباطي
الناشر/ روافد للنشر والتوزيع (2014)

%d8%b529

حضني البحر أول ما شافني، بكيت سنيني وخدته في ضلوعي.. “كان واجب عليك تجيني م الأول”.. غرقته بدموعي.. فاض الحنين بينا لبعد الشط بمسافة.
من زمان ونا مشتاق، والبعد بينا هو اللي باعد.
بعاود من تاني الحكاية: أنا وانت.. مين يفرقنا عن بعضنا إلا الغباء والتردد؟ من زمان وانت بتمنحني اشتهائك.. بتمنحني الحياة، لكن وحيد!.
هعيد من تاني اللي حاسه: “ما عادش عندي حاجة أخسرها” -نفسي أكسب ولو مرة ف حياتي- انت اللي شايف ما بعد المدى، وأنا بيني وبينك خطوتين ودمعتين ونفس أخير. إنت اللي شاغل دماغك بالحساب والجبر، وأنا يدوب بودع المسافات عند باب القبر.. يدوب بحاول أسيب ذكريات وحكايات ناقصة، كان نفسي تكملها.. كان نفسي تكون ليّا، كنت حوهبك أجمل ما فيّا.. كل الأحاسيس اللي ناقصة ف حياتك.. كل اللي يكفي أنك تكون انت.
صدقني لو مت مش هتلقى نفسك من تاني، وقتها هتشاركني الكفن.. المساحة اللي ممكن نسميها وطن.. العمر اللي ما بيخلصش.. الحب اللي ما بيقبلش الهزيمة.. الروح اللي ما بتسمحش للموت اغتصابها.. البدن اللي عاش يحلم بملمس إيديك.

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s