كتاب (وشوش سادة) إصرار “1”

Posted: 23 نوفمبر 2016 in لوحات يوسف, نصوص وخواطر
الوسوم:
نصوص/ أيمن عبد المعطي
لوحات/ يوسف أيمن
تصميم/ نبيل السنباطي
الناشر/ روافد للنشر والتوزيع (2014)

%d8%b533

منين ما تروحي هتلاقيني.. ببوس مقام سيدنا الحسين، وبسبل عينيا قدام المشهد النفيسي.. بركاتك يا ستنا العالمة ببواطن الأمور والهداية المدهشة. وهتلاقيني بنور شمعتين للسيدة زينب ونا حاضن دمعتي فى إيديّا. وف أوضتي هحط صورة للعدرا وهي قاعدة مستسلمة للنور الشجي. وهنشد مع رابعة شعرها الصوفي.
هنقش حروفي ف شوارع مصر القديمة، وهملّس على وشوش البشر في الطريق، وابوس أيادي مِن عِرق.. ومِن شَهق بالحياة قبل الرحيل. همشي أحضن في البيوت الونس.. وانطلِق في كل السكك اللي شهدت مسكة إيدينا.. حنين اللقا وكلمة وحشتني.
انتي كمان هتكوني صوتي في المظاهرة، عقلي اللي بيقرا التاريخ والحكم، إصراري ع الانتصار في المعركة مهما كان حجم المحن، وعمري اللي اتمنيت ما يروح هدر، لون الحنين في شعاع القمر، طعم الحلم في أزهى بهجته، وف طلعته نجمي البعيد المبتِسم، ريحة الكتابات الشجية.
أوعديني.. ترسميني بصة أمل ع الجبين للمظلومين، والمحتاجين للحب والحضن الوفي.

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s