كتاب (وشوش سادة) إصرار “3”

Posted: 25 نوفمبر 2016 in لوحات يوسف, نصوص وخواطر
الوسوم:
نصوص/ أيمن عبد المعطي
لوحات/ يوسف أيمن
تصميم/ نبيل السنباطي
الناشر/ روافد للنشر والتوزيع (2014)

%d8%b535

  1. ما تخافيش.. لسة قدامنا براح، والعمر ممكن يبقى جميل حتى لو كان لحظتين، طول ما إحنا بنحن لحلمنا.. طول ما باقي في دمنا شوق لبعض، وحاجات كتير بتلمنا.. تضمنا فتحس روحنا بالأمان.
  2. براح ونفسي مش سايعاني م الفرحة، ما دمنا بنخطي الموانع وبنغني للشمس اللي طالعة. هتقوليلي: السما لساها غايمة. أيوه عارف.. بس هو ده بالظبط اللي هيخلينا نقاوم ونختبر صدق اللي بينا.
  3. قلبك مش ناقصه إلا شوية جراءة.. مش براءة اننا نستسلم للظروف فنعود مش مالكين أي حاجة غير الهزيمة.
  4. عيني مش شايفة قدامها في الطريق إلا البداية.. أما النهاية مين عارفها؟ ومين يقدر يحدد قد إيه ها يسيبنا الزمن نعيش من غير قلق؟.
  5. طاير أنا، ومش ملاحق ع المسافات اللي بينا، نفسي أحط على صدرك.. تعصريني فارتاح حنانك، ونا متأكد من إنك جناحي اللي هيخليني أخبي جوايا خوفي القديم.
  6. دنيا وواخدانا معاها بدون ما تحاسب علينا.. إحنا أرق من النسيم وهي أشد من المحن، لكن بالرغم من كدة قادرين نعيش.
  7. راحل ومش باين إني هعود.. محاوطاني كل الأسئلة.. والمشكلة إني بحاول في الإجابة من ساعة ما ابتديت، لكن ما زالت محتارة جوايا المعاني، تقبلي تفكي معايا الحاجات بالراحة؛ فتصبح الحياة من جديد متبسمة.
  8. مر الفراق بين الأحبة.. لا يعيشوا عكس الزمن إما هيموتوا من أول ضربة تجيهم من نفسهم.
  9. ردي عليا من غير رتوش: بتحبيني؟ ولا دي مش وشوشنا، بدون ما نخفي الملامح محتاجين نثبت للزمن اننا عايشين جوا بعض؛ لاحسن نتوه فنرجع متحسرين.
  10. رسيني على برك أو تعالي نلقى لنا بر جديد، نعيش فيه أيام العيد اللي جاي.. نسيب اللي بينا لو كان حقيقي يخلقلنا دنيتنا الجديدة.. مش سعيدة ليه ونا بحاول أنسجلك توب التحدي، طيب هقولك: إيه رأيك لو أبقى توبك وتكوني إنتي روحي في جسمك وننطلق.

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s