كتاب (وشوش سادة) نهايات “1”

Posted: 4 ديسمبر 2016 in لوحات يوسف, نصوص وخواطر
الوسوم:
نصوص/ أيمن عبد المعطي
لوحات/ يوسف أيمن
تصميم/ نبيل السنباطي
الناشر/ روافد للنشر والتوزيع (2014)
%d8%b546
بعد سنين ياما.. مش عارف كام بالظبط.. هتعدي بالصدفة تلاقيني متكوم جنب السور بشحت م الناس حبة عطف.
هتعرفيني أول ما تبصيلي، نفس النظرة اللي كانت في عينيّا لما حكيتلك إزاي حبيتك، وإن اللي لفتني إليكي مجرد طيبتك.
هتقوليلي: إزيك يا راجل يا عجوز.. لسة حاببني؟.
مش هقدر ارفع صباعي واشاور على قلبي، وشفايفي هتعجز تنطق اسمك، بس دموعي هتجري وتحكيلك إزاي كنت وحيد من غيرك، وإزاي عشت العمر بحاله مستني طلوعك زي الشمس الغايبة، وإزاي كنت لابس خفيف في عز السقعة وما متش م البرد، وإزاي كنت بحس برجفة في شهر أغسطس، وإن البحر ناداني كتير وما رحتش، ومقدرتش طول العمر اخطي خطوة جديدة، والساعة ف عمري ما بتمشيش، وكنت بتصبح زي ما بتمسى، خايف طول الوقت لا اموت من غير ما اشوفك تاني ولا اسمع حسك، وإزاي عدى عمري بلاش.. كلام فارغ حشيت بيه دماغي الناشفة، لا لانت ولا فضيتها في أقرب بلاعة.
الأزمة إنك بعد ما تسمعي حواديت العمر الرايح هتلملمي خطاويكي وتنك ماشية، وساعتها هتيجي عربية بتصرخ وتشيلني ويرموني غريب في ترب الصدقة.
ياااااه..! كنت عايش مستني اللحظة اللي هتعرفي فيها أنا قد إيه كنت محوش عمري بحاله علشان أشوف في عينيكي إحساس ما دقتش طعمه، يا ريتني كنت مُت لوحدي ووفرت على الناس في الشارع إحساسهم بالشفقة.
Advertisements

تسعدني تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s