Archive for the ‘نصوص وخواطر’ Category

أشجان (26)

Posted: 18 ديسمبر 2017 in نصوص وخواطر
الوسوم:,
يا عم انت هتهزر، أمال مين هيبقى دكتور ومناضل وصديق
مين هيتبسم في وش الناس ساعة الضيق
مين هيقود النضال في الجامعة لحد ما الثورة تيجي تبل الريق
مين يا رفيق؟
ما ترد…
موت إيه ده اللي يخلي الجو حوالينا خنيق؟
ما هو خد أصحابنا قدامنا بألف طريقة وف كل طريق
مش لسة قايللي هتيجي تاني إمتى قريب؟
خد بالك الموت مش شرير ومش طيب
الموت رحلة جديدة وراحة م الانتظار
صدقني كنت حمار إني ما شبعتش منك
فسلم ع الغايبين عقبال ما اجي
وصدقني مش هتأخر عقبال بس ما اودع كل أحبابي
مبحبش أي مفاجآت ولا عاوز حد يحس يوم بغيابي
Advertisements

أشجان (24)

Posted: 1 نوفمبر 2017 in نصوص وخواطر
الوسوم:, ,
كانت لما بتحلم، بتحلم نور، وعينيها بتبقى أجمل حور، وأما بتضحك يصحى الفجر من نومه علشان يحضنها فيبدأ يومه.
دلوقت الفجر داير في الليل مجنون وهي شبعت موت مع إنها لسة بتحلم بالملكوت مرتاح مبسوط.
نصوص/ أيمن عبد المعطي
لوحات/ يوسف أيمن
تصميم/ نبيل السنباطي
الناشر/ روافد للنشر والتوزيع (2014)
%d8%b555
نهار وصبحني،
شمسه صاحبتني،
ليل ومسيته،
عمر قضيته،
حلم وعديته،
قمر وطفيته،
فجر شقشقلي،
ناداني لبيته،
طهرني من ذنبي،
مفضلش غير حبي،
شهقت من قلبي:
العشق كان دربي،
صدقني يا صاحبي..
هموت ونا مرضي.

 

نصوص/ أيمن عبد المعطي
لوحات/ يوسف أيمن
تصميم/ نبيل السنباطي
الناشر/ روافد للنشر والتوزيع (2014)

%d8%b554

كل يوم أصحى يلفحني الصبح ف وشي،
يعلنلي انتهاء يوم من عمري،
ويحملني بهم جديد!.
نصوص/ أيمن عبد المعطي
لوحات/ يوسف أيمن
تصميم/ نبيل السنباطي
الناشر/ روافد للنشر والتوزيع (2014)
%d8%b553
نفسي
أسافر
في
قطر
ما بيقفش..
في
بلاد
ما بتخلصش..
في
حياة
ما بتنتهيش!.
نصوص/ أيمن عبد المعطي
لوحات/ يوسف أيمن
تصميم/ نبيل السنباطي
الناشر/ روافد للنشر والتوزيع (2014)
%d8%b552
نفسي
أموت
في
الحاجة
اللي
بحبها
موت.
نصوص/ أيمن عبد المعطي
لوحات/ يوسف أيمن
تصميم/ نبيل السنباطي
الناشر/ روافد للنشر والتوزيع (2014)

%d8%b550

الموت ليه بيحاوطني؟
مع إني بعشق الحياة للأبد!