Archive for the ‘أغاني وموسيقى’ Category

أميـرة .. أميـرة
افتح لها يا قلبي تدخل أميرة
افتح لها من غير كلام ولا سيرة
افتحلها وارتاحلها واشرحلها كل الأمـاني الكبيرة
أميـرة
***
لما الكلام ده تسمعه، لازم يا قلبي تتبعـه
خلي شمــوعك يولعوا… خلي نجــومك يلمعوا
واجري ورا رمش العيون
صعب العيون دي يا قلبي تخون
والقلب ده دهب دهب..
والحب ده لهب لهب..
يـا قلبــي يكفانا تعب، و افتحلها ..
***
لمــا رمَتنــي عينيهــا كنت فـ سكتـــي
عــارف طريقــي و كنت عارف انا مين
دلوقتي لا اعرف ضحكتك من ضحكتي
و لا اعرف اسمي و لا احنا رايحين فين
دابـت جبال التلج في قلبي
يا صوتي حِب يا ضحكتي حِبي
و يــــا قلبي لا تقفـــل بيبــــان
أهو دا اللي حاجزين له المكان
والقلب ده دهب دهب..
والحب ده لهب لهب..
يـا قلبــي يكفانا تعب، و افتحلها ..
بتضيعي من إيدي وبترحلي عني
وبتهجري حدودي وتعودي وتحني
***
أفتح لقلبك دراعيني
وأصون هواكي في درا عيني
انتي اللي قربك ضيا عيني
وبليلي المتحني
***
أيام تغيبي وتعودي
يدبل على الأغصان عودي
والزهر يطرح لوعودي
يرجعلي طيرك ويغني
***
يا نجمة والضي دليلي
بنده يا ريتك تناديلي
جايلك وشايل قناديلي
بحلم بليلك يحضني

حمد لله ع السلامة يا ابو أجمل ابتسامة
يا ما دقيت في بعدك على باب الصبر يا ما
يا ما استنيت وحيدة وانت في بلاد بعيدة ما توصلهاش ملامة
قرب قرب قرب، قرب عليا قرب يا قلبي يا متغرب
واطير حواليك واحوم  واطير الهموم
عطش السنين بحاله ترويه انت في يوم
قرب قرب قرب، قرب عليا قرب يا قلبي يا متغرب
جانا القمر الليلة وسهرنا عشانه يا ما
حمد لله ع السلامة
***
بلاش البعد تاني
تغيب عن عيني تاني
بلاش تغيب عن عيني تاني
كأنك طير مهاجر بعيد ونسيت مكاني
لما الزمان جمعنا اصبح للدنيا معنى
واذا اتفرقنا يفض في الدنيا كل معنى
ورد الاشواق صحي يا روحي فتحي
وانت يا طيور عالية بجناحك لوّحي
جانا القمر الليلة وسهرنا عشانه يا ما
حمد الله ع السلامة

المعجباني.. المعجباني.. المعجباني
اللي عليه النية بيحبني وتملي قلبه عليا
المعجباني
***
المعجباني يسلمولي عيونه
من كتر حبه حلفت عمري ما اخونه
وفى كل لحظه بقول يا رب تصونه
ولا حد يشمت من العوازل فيا
ولا في حبيبي اللي عليه النية
***
المعجباني بين رموشي هشيله
وعشان شاريني مش راح انسي جميله
وإن دق قلبي يبقي بيغنيله غنوة محبة كلها حنيه
للمعجباني اللي عليه النية
***
المعجباني مش غريب على العيلة
ده ابن عمي وجاي يزورنا الليله يطلب
إيديا وتبقى ليله جميلة
لو ابويا وافق و امي قالت ليا مبروك عليه النية

شباك حبيبى يا خشب الورد ويا أهل الورد
وياللى الورد يوم ما يلاغيك يضحك سنك
لك ضلفتين هيضموا القد وورد الخد
والورد بكره يغير منك
شباك حبيبى يا خشب الورد
شباك حبيبى… حبيبى حبيبى حبيبى
***
شباك حبيبى حقوم م الفجر
واشوف البدر بفتحه سِنة بسِنة
وان مرة شوفته كان مقفول
حلمح على طول حبيبى ورا شيش الجنة
والقى الهوا وداه وجابه
والحلو قاعد على بابه
أدعي يخليه على شباكه
وافضل اناجيه على شباكه
شباك حبيبى يا خشب الورد
شباك حبيبى… حبيبى حبيبى حبيبى
***
شباك حبيبي يا سيد الكل يا صحبة فل
حطيته على صدر الشقة
حبيبى على شباك بيدق
وقلبى يدق.. مع دقته دقة بدقة
واللي بحبه هواه بحري
مفتحوله قلبي ع البحري
رماني هواه على شباكه
ولا قلت آه من شباكه
شباك حبيبى يا خشب الورد
شباك حبيبى… حبيبى حبيبى حبيبى
***
شباك حبيبي يا دنيا هنية
يا ضلفتين من تيه ودلال
حترد إمتى عليه وعليا
وحياتنا تبقى  غرام وآمال
وتكون تالتنا تحرس أوضتنا وتشوف راحتنا
ويقرا شكلي حبيبي، وأنا أقرا شكل حبيبي
شباك حبيبى يا خشب الورد
شباك حبيبى… حبيبى حبيبى حبيبى
***
شباك حبيبى دا سر غرامى
ما لوش فى دنيا الحب نظير
ندر علي إن نلت مرامى
لاعمل ستايره حرير فى حرير
ولما افتح والقاه مفتح قلبي يفتح
واشبكه لحبيبي، وحبته لحبيبي
شباك حبيبى يا خشب الورد
شباك حبيبى… حبيبى حبيبى حبيبى

ابعد يا حب ابعد بقولك لأ

ولا عمرى هغلط يوم وأقولك آه

لا أنا قد دمعة عين فى ليلة فُرقة

ولا قد رمشك والمخبى وراه

مهما تواعدنى هقولك بكرة

ويجي بكرة أقولك بكرة

يعني النهاردة بقولك لأ

وبكرة مش راح أقولك آه

***
ابعد يا حب بلاش تحايل فيا

لياليا حلوة.. مُرة، أهى لياليا

هى صحيح مالهاش لا لون ولا معنى

ولا حاجة تسعدنا ولا تنفعنا

لكن دي راحة البال كفاية عليا

وهي راحة البال يا عيني شوية

***
ابعد يا حب بلاش تفوت ناحيتنا

وان فُت ما تبصش لبلكونتنا

لارمي عليك رمشى يجيبك صاحي

ويسهرك زى النجوم صباحي

لا تطول سما ولا ارض في محبتنا

ولا ينفتحلك حتى شباك بيتنا

***
ابعد وخبى عينيك طاوعنى لاحبك

وبلاش تقيد النار لا تحرق قلبك

قلبي عليك خايفة عليك صدقني

لا تغرق انت قبل ماتغرقني

لكن دي راحة البال كفاية عليا

وهي راحة البال يا عيني شوية

 

ساعة ما بشوفك جنبي مقدرش أدراي وأخبي
أبكي من فرحة قلبي، وانسى العذاب
يا نور عيوني، زادت شجوني.. دبل جفوني كتر الغياب
طيفك ده تملي شاغلني مطرح ما أروح يقابلني
أجي أضمه يخايلني، ألاقيه أوهام
صعبان عليا كتر الأسية.. ارحم شوية وبلاش خصام
صبرت الشوق على بعدك
كان أملي تحفظ عهدك
أتاريك حنيت لعوايدك وشغلت البال
ليل نهاري من كتر ناري، أصبر وأداري وأطوي الآمال
خلتني نسيت أحبابي، ووهبتك زهر شبابي
وقطفته ليه تخلى بي
كل دا يرضيك، كل دا يرضيك
تهجرني برضه أحبك
تلاوعني برضه أحبك
تنساني برضه أحبك
مقدرش أنساك