Archive for the ‘أغاني وموسيقى’ Category

 

ساعة ما بشوفك جنبي مقدرش أدراي وأخبي
أبكي من فرحة قلبي، وانسى العذاب
يا نور عيوني، زادت شجوني.. دبل جفوني كتر الغياب
طيفك ده تملي شاغلني مطرح ما أروح يقابلني
أجي أضمه يخايلني، ألاقيه أوهام
صعبان عليا كتر الأسية.. ارحم شوية وبلاش خصام
صبرت الشوق على بعدك
كان أملي تحفظ عهدك
أتاريك حنيت لعوايدك وشغلت البال
ليل نهاري من كتر ناري، أصبر وأداري وأطوي الآمال
خلتني نسيت أحبابي، ووهبتك زهر شبابي
وقطفته ليه تخلى بي
كل دا يرضيك، كل دا يرضيك
تهجرني برضه أحبك
تلاوعني برضه أحبك
تنساني برضه أحبك
مقدرش أنساك

 

لحظة ماكات بتبوش خطوته ف الأرض
وتشد عينه الشمس سرسوب ضي
كان ينطلق جواه كلام ياما
يحبس أنينه ف ضحكته بشويش
وتسوقه رجله لرحلة ع الكورنيش
مطرح ما كان شعرها بيغازل العصافير
بيولي ضهرة للبشر ويتجه للنيل
بيشوفها فوق الموج بشال اخضر
تشبك لعاب السمكة للصياد
تضحك ف وش المركب البيضا
فتزيد بياضها بياض
كدب خطاوي الناس تجاه الموت
أمن بإن الوحدة في الغيبة
في ناس بتزحم قلبها الدنيا
وناس بتكسر نفسها الطيبة
***
يا شط البحر متكحل بخطاوينا
مين قاسي على قلوبنا
ومين بالضحكة يروينا
ويشهد موجك السكران
ما شاف منا غير الاحضان
وترسى فى ايهى مينا
ونلقى فيها اسامينا
***
يا مركب والشراع مكسور
دايرة بين بلاده بحور
ومرقية بعطور وبخور
ونحتى بالدموع جرحى
امانة عليكى لا تسامحى

ياللي جمالك عجب.. يعجب ويتعاجب
شفت ف هواك العجب.. وبرضه مش عاجب
يا للي جمالك عجب..
***
لما هوانا انكتب رضينا بالمكتوب..
والحب له 100 سبب وله نعيم وهموم
بعدنا عن ذنبه.. والقلب ايه ذنبه
يفوتوا للي انكتب
يا للي جمالك عجب..
***
داري جمال رقتك.. وخبي سحر عينيك
يا للي الهوى لعبتك.. يا خوفي منه عليك
يلعب بقلبك يوم.. تنسى الهنا والنوم
هو الهوى يتغلب؟
يا للي جمالك عجب..
***
ظالمني ليه وياك .. وفين حنان قلبك
انا اللي بختي معاك .. زي الهنا في حبك
قليل ومش دايم .. شمت ليه اللايم؟
ما تقولي ايه السبب
يا للي جمالك عجب..

لو بإيدي كنت أخبيكي ف وريدي
كنت أضمك بين ضلوعي واوهبك عمري ووجودي
***
أرسمك شمس بضفاير واعشقك بدر البشاير
وانطلق في هواكي طاير أعلى وأبعد من حدودي
***
يا للي بيكي الكون عرفني وبعيون الحب شافني
انتي بين رمشي وجفني تضحكي بيدوب جليدي
***
لو بإيدي يا عيوني يا هوا عشقي وجنوني
فوق جراحاتي تكوني نجم ليلي وفجر عيدي

يا قطر الصعيد يا مقبل أسوان
زيد السرعة زيد، مشتاق للخلان
نار البعد لهيب، بتكوي أي غريب
يا.. يا.. يا قطر الصعيد
***
أمي وأبويا هناك، أختي وأخويا الغالي
عارفين إني معاك راجع من ترحالي
والبعد قطع فيا، بكى يا قطر عينيا
يا.. يا.. يا قطر الصعيد
***
عدي يا قطر وفوت المنيا وروح ملاوي
قبل سوهاج أسيوط مدد مدد يا قناوي
الاقصر نن عينيا، وإدفو الغالية عليا
كوم أمبو االغالية عليا، ودراو نن عينيا
يا.. يا.. يا قطر الصعيد
***
ولما نروح أسوان وعيني تشوف خلاني
ناخدهم بالأحضان ويمين ما نعاود تاني
في الغربة ما نمتش ليلة، خطوتها يا عيني تقيلة
يا.. يا.. يا قطر الصعيد

 

ف الليل .. في نجوى الغريب وشوقه
فـ الحزن .. في ارعود الشتا وابروقه
تخطر عليا سالمة
ونشتاق لصمت عيونها
* * *
فـ الحب .. فـ أنفاسه.. فـ نبض عروقه
فـ الياس .. وأوصال الأمل محروقة
تصعب عليا سالمة
وتصعب دموع عيونها
* * *
عيون سالمة تذكار
على جبين غيمة عاشقة
عيون سالمة أشعار
في خيال ليلة بارقة
عيون سالمة أسرار
فـ أحضان نجمة امفارقة
عيون سالمة أقدار
فـ أحزان مركب غارقة
* * *
عيون سالمة تذكار
فكرة وشمعة ساهرة محتارة
عيون سالمة أشعار
وأحلام نخلة شامخة جبارة
عيون سالمة أسرار
شباك معبد شاحبات أنواره
عيون سالمة أقدار
عنقود موجة عاتية مغيارة
* * *
سحر الوجود ومصدره ومصيره .. عيون سالمة تحكيه
وبعد الفضا وحيرته وتحييره .. عيون سالمة تخفيه
حلم النسيم وصحوته وتكديره .. عيون سالمة تواريه
وإجلال البحر ورهبته وهديره .. عيون سالمة تجاريه
* * *
فـ عيون سالمة يبني العز أسوار
عليها أبراج امحصنة وعنيدة
فـ عيون سالمة يرسم الظل أشجار
وتطلع سنابل واعدة وجديدة
فـ عيون سالمة تهاجر اطيور وأنهار
وتقصد اشطوط املونة وبعيدة

هو الدلال يعني الخصام؟
ما كانش ده طبع الغرام
***
في كل يوم يزداد جمالك
وتزيدي سحرك ع القلوب
لكن حرام يبقى دلالك
يحمل جفاكِ للحبيب
ما كانش ده طبع الغرام
***
حبك كفاية للفؤاد
بيشعله ويملاه حياة
ما لوش لزوم طول البعاد
عشان يزيد نار الغرام
ما كانش ده طبع الغرام
***
الحب معناه الحنان
عهده يدوم ان دام صفاه
ده القلب لو يلقى الأمان
يبقى سعيد ويصون هواه
ما كانش ده طبع الغرام