Posts Tagged ‘عبد الرحمن الأبنودي’

 

افتحلى الشباك.. دخلى الهوا
افتحلى الشباك يا حبيبى .. أنا احب الهوا
***
بيتنا شبابيكه كتار بيخلوا الليالى نهار
النجم بيحكى الأسرار من شبابيك بيتنا
والنسمه بتنقل أخبار من شبابيك بيتنا
بيتنا اللى احنا فيه يا حبيى صحينا وفايتنا
وحكينا حكاية خطوبتنا حكينا حكايتنا
وعرفنا الهوا قبل ما نعرف إيه هو الهوا
***
القمر عدى وفات ولا ساعاته لسة ماجات
افتحلى الشباك إن فات يزورنا فى بيتنا
فات السبت والتلات وطالت غنوتنا
والليل بيعدي حوالينا يسمع ضحكتنا
والنسمه بتجري وتغني وتحكي قصتنا
واحنا اتنين فى البيت وقلوبهم طايرة فى الهوا
Advertisements

حمد لله ع السلامة يا ابو أجمل ابتسامة
يا ما دقيت في بعدك على باب الصبر يا ما
يا ما استنيت وحيدة وانت في بلاد بعيدة ما توصلهاش ملامة
قرب قرب قرب، قرب عليا قرب يا قلبي يا متغرب
واطير حواليك واحوم  واطير الهموم
عطش السنين بحاله ترويه انت في يوم
قرب قرب قرب، قرب عليا قرب يا قلبي يا متغرب
جانا القمر الليلة وسهرنا عشانه يا ما
حمد لله ع السلامة
***
بلاش البعد تاني
تغيب عن عيني تاني
بلاش تغيب عن عيني تاني
كأنك طير مهاجر بعيد ونسيت مكاني
لما الزمان جمعنا اصبح للدنيا معنى
واذا اتفرقنا يفض في الدنيا كل معنى
ورد الاشواق صحي يا روحي فتحي
وانت يا طيور عالية بجناحك لوّحي
جانا القمر الليلة وسهرنا عشانه يا ما
حمد الله ع السلامة
نحلم واذا ما تحققتشي الأماني
نزعل شويه بس نحلم تاني
لا تجعل الأحزان تهش الحلم
ولا تخلي الليل يبكي الأغاني
ساعات ورا ساعات تلف تدور
الليل بينهي النور وينهي نور
يبقي الربيع مالي الجنينه زهور
يصبح خريف عاري الورق والقلب
يشقي اللي عاشق واللي عمره ما حب
يبقي الجناح م الشوق بيعلى لفوق
وفجأه ينزل ع التراب مكسور
***
انا وانتي فرعين مرجحتهم ريح
انا وانتي قلبين مطووحين في الهوا
يللي كتبتوا القسوة ع المجاريح
القسوه مش ممكن تكون الدوا
ولا توانسنا علي شط الخريف

ببكــي وتـــر الربــابـــة
للمُغــــرمين صبـــابـــة
اللـــــي ليلهــــم سنـــــة
أتـاري العشــاق غـلابة
ما عرفتش كِيف غـلابة
إلا امــا عشقــت انــــــا
***
يا ليل يا ليل يا ابو النسايم و النجم و الهوا
إديني جنــاح ارفــرف والفلف فـي الهـوا
يمكـــن تبــرد نيــرانــي
لمـــــا أسيب مكـــــاني
و ان طيفــه تــاني جاني
يقـولـولـه مـش هنـــــا
***
أهرب فين فين من عيونه
بتعديلــي البحــــــور
بتعديلــي المدايــــن
والأيــام والشهـــــور
وتدخل من حيطــاني
وتجينــي وتلتقـــاني
تلاقينــي في مكــانــي
تسهــــر أسهـــــر أنــا
***
كلمني عن حيــاتـه، عن بيتهم الصغيّـر
عن أمه، عن جيرانه، وقمرهم المنوّر
كلمتـه عن جيـراني
وغنيتلـه أغـاني
من يومهـا لم رآني
و لا رايته انا

لو بالعين أنظر حبيبي لو بالعين
يا سلام .. لو بالعين .. أيوه
آآآآآآآآه .. أشوفه مرة وابقوا خدوه
وأنا عارفة من بعده راح أتوه
أشوفه .. أنا لو أشوفه
ازداد الحير .. ليه ما ردوه
من جمعتين .. وأعيش من فين
لو بالعين .. ويلي .. أنظر حبيبي
لو بالعين أنظر حبيبي لو بالعين
يا سلام .. لو بالعين .. أيوه
***
آآآآآآآآه .. كان ليا شجرة علي تله
ياما طيور منها طلوا
والخل لما يفوت خله
يرميه حزين .. من غير جناحين
لو بالعين
***
آآآآآآآآه .. ده كان غطايا وكان عشي
من كُتر البكا داب رمشي
والوقت بتقولوا يمشي
يمشي وبس أنظره بالعين
لو بالعين
***
آآآآآآآآه .. يا قطر يا مليان غربا
أنا اللي جرحي مالوش طببا
وفي عيني دمع ما يتخبي
وف قلبي جرح وفيه جرحين
لو بالعين

بخاف من الغروب و كل ما يقرب بفكر في الهروب
منين ييجي الاحساس من نفسي ولا الناس
واللي النهار يكتبه آخر النهار مشطوب
واللي البشر تحسبه تلاقيه مش محسوب
واحنا زي الشمس مسيرنا للهروب

حكموكي ما حكموكي برضه المصري مصري والمملوك مملوكي
إوعي تباتي حزينة يا حرة يا زينة
لو ربطوا إيدينا بكره نحرروكي
م السلطان والوالي والعهد المملوكي