Posts Tagged ‘عبد الرحيم منصور’

 

مال المقادير معايا مال الهوا ويايا
مشاوير ملهاش نهاية
إيه يا دنيا الحكاية
عديت على حيكم وانا غريب عنكم
طلبت ندعة مي، سقتوني من حبكم
***
انا اللي طول عمري جوايا جرح صعيب
دايما بقول طيب أصل الخطاوي نصيب
عديت ولا فى بالي إيه تاني يجرالي
ماشي وانا في حالي مديتوا لي يدكم
***
مشواري يا مشوار صادق ولا غدار
قولي وطمني يمكن يكون لليل نهار
عديت وانا مخبي عذابي في قلبي
وحدي وانا في دربي فتحتوا لي قلبكم

حبايب والله حبايب

النغم في الحب دايب

زي خد الورد ما بيلمس شفايف

زي نور الفجر ما يصحي الولايف

زي رنة عود للعيون السود

حبايب

تسلملي عيونه الحلوين تسلملي.. تسلملي
بتنور لياليا حنين تسلملي.. تسلملي
دول بشوف فيهم صحابي دنيتي وعمري وشبابي
يضحكوا بيهون عذابي
دنيتي بتزيد حلاوة
آه يا عيني على الحلاوة
***
دول حنين عمري اللي فات عشرة حلوة وذكريات
عشت أحلى الأمسيات
دنيتي بتزيد حلاوة
آه يا عيني على الحلاوة
***
دوبوني عينيه محبة توهوني في أحلى غربة
مليانين سحر ومحبة
دنيتي بتزيد حلاوة
آه يا عيني على الحلاوة

ناوي ع البعاد
ناوي يفوتنا وفايت البلاد
وفايت قلبي يوم البعاد
***
بعد ما قولنا حبينا
أتاري الفراق ناوي يجينا
وياخد اللي فاضل لينا
وياخد اللي فاضل لينا تاني
***
بعد ما جيبنا الزينة
جم وقالولى يا مسكينة
حكم الزمان تبقى حزينة
حكم الزمان تبقى حزينة تانى
***
قولت اللى فات من أيامي
ما يسوى جرحي وآلامي
مهما أشتكيت عمر كلامي
مهما أشتكيت عمر كلامي واصل
***
قالوا الزمان هيداوينا
من اللي هجرنا وناسينا
قولت اللي يقدر يداوينا
قولت اللي يقدر يداوينا واصل
***
بعد ما دوبنا وبقينا
في الدنيا دي وحدينا
بتقولوا ده بيبكى علينا
بتقولوا ده بيبكى علينا تاني
***
آدي حكايتي وكلامي
يكفي يا ناس والله ملامي
يا ما تعبت فى أيامي
يا ما تعبت فى أيامي واصل

قناديل بياع قناديل بنورك يا ليل
وآدينى ماشى ومش لاقى السبيل
بسافر بسافر.. بهاجر بهاجر
والبخت يا عينى قليل
وآه يابا يابا عليا.. لا دار ولا مرسى ولا صبية
***
على عينى يا حبيبى على عيني
قفلنا الدار بعد ما راحوا وهجروا الدار.. قفلنا الدار
بعد ما كنا قسمنا اللقمة والضحكة وهم المشوار
بعد ما شيلته فى عينيا طول المشوار
بعد ما عمرى أدتهوله رماه في النار
وآدى آخر الرحلة ما لقينا غير دمع عنينا
كدبوا علينا حبايبنا آه يا عينى علينا
كدبوا علينا والعمر مبقاش فى إيدينا
كدبوا علينا وايه باقي يفرح ليالينا
وآه يابا يابا عليا.. لا دار ولا مرسى ولا صبية
***
على عينى يا حبيبى على عيني
ياما قلتله يا حبيبى أنت قعدتني فى السوق غلينى
ياما قلتله بكلمة حنينة منك ترضينى
وآما قلتله إن قلت آه ضحكة تداوينى
وآما قلتله ع البر خدنى معاك رسينى
راح فى السبيل ولقاله سبيل
وآدى آخر الرحلة ما لقينا غير دمع عينينا
كدبوا علينا حبايبنا آه يا عينى علينا
كدبوا علينا والعمر مبقاش فى إيدينا
كدبوا علينا وايه باقى يفرح ليالينا
وآه يابا يابا عليا.. لا دار ولا مرسى ولا صبية
أمي حبيبتي يا أمي
ضميني دوبيني غرقيني في الحنان
خديني طهريني و اغسليني من الأحزان
يا أصل الكون يا طاهرة يا جنة الإنسان
الدنيا ما تسوى حضنك و لا يسواش الزمان
أنا في حضنك يا أمي بأحس بالأمان
أيوه بأحس بالأمان
***
قوليلي و طمنيني عن رحلة الطريق
دفيني و نوريني بكلامك البريء
يا بحر الحلم الواسع يا سفينة النجاة
لولاك ما يبقاش معنى ولا نبض للحياة
مشواري بدايته انتِ و انتِ منتهاه
أيوه منتهاه
***
نادي لي شاوري ليا اهمسيلي بالعيون
تلاقيني بين ايديك نغم دافي حنون
يا نغم من القلب طالع مع طلعة النهار
يدعيلنا بالسلامة و يهون المشوار
مهما بنكبر ياأمي لسه في عينكي صغار
أيوه لسه في عينكيصغار

يا طير الشوق يا مروح
مسيلي ع اللي غاب
قول للمحبوب يا مروح
دي ليالي الغربة عذاب
يا طير الشوق يا مروح
***
خدوني ليه.. خدوني يا لياليا
خدوني يا اشواقي.. خدوني ليه ودوني
دي الغيبة طالت يا عيوني
دي ليالي الغربة عذاب
يا طير الشوق يا مروح
***
خلي العودة قريبة
يا ابو الليالي حبيبة
خلي العوده قريبة
دنا والليل وقلبي يا قلبي
مركب في بحور غريبة
يا طير يا عيني عليك يا عيني
رايح بلاد بعيدة
دي ليالي الغربة عذاب
يا طير الشوق يا مروح