Posts Tagged ‘نثريات’

غلاف أمامي

كلام جرايد PDF
كلام جرايد Word
خلاصة الكلام PDF
خلاصة الكلام Word

أشجان (19)

Posted: 3 سبتمبر 2012 in نصوص وخواطر
الوسوم:, , ,
الحب من غير أمل زي الجرح اللي ما بيندمل
ليل ابتلع نهارا، فأصبح أكثر سوادا.
ماذا كان لون الليل  أو لون النهار قبل الابتلاع؟
.. لا ..لا.. لا يهم
ما يؤرقني عن حق أنه ما عاد لدينا نهارا لاختبار لونه الحقيقي

أشجان (14)

Posted: 25 يونيو 2011 in نصوص وخواطر
الوسوم:, ,
الإسكندرية
22 فبراير 2011
آه يا حضنها المستحيل، يا قلبها البعيد، يا حبها المعاند.. آه يا إحساسي اللي خاني.
حضني البحر أول ما شافني، بكيت سنيني وخدته في ضلوعي.. “كان واجب عليك تجيني م الأول”.. غرقته بدموعي.. فاض الحنين بينا لبعد الشط بمسافة. من زمان ونا مشتاق، والبعد بينا هو اللي باعد. بعاود من تاني الحكاية: أنا وانت.. مين يفرقنا عن بعضنا إلا الغباء والتردد؟ من زمان وانت بتمنحني اشتهائك.. بتمنحني الحياة، لكن وحيد!.
هعيد من تاني اللي حاسه: ما عادش عندي حاجة اخسرها -نفسي أكسب ولو مرة ف حياتي- انت اللي شايف ما بعد المدى، ونا بيني وبينك خطوتين ودمعتين ونفس أخير. انت اللي شاغل دماغك بالحساب والجبر، ونا يدوب بودع المسافات عند باب القبر.. يدوب بحاول أسيب ذكريات وحكايات ناقصة، كان نفسي تكملها.. كان نفسي تكون ليا، كنت حوهبك أجمل ما فيا.. كل الأحاسيس اللي ناقصة ف حياتك.. كل اللي يكفي أنك تكون انت.
صدقني لو مت ما هتلقى نفسك من تاني، هتكون ساعتها بتشاركني الكفن.. بتشاركني المساحة اللي ممكن نسميها وطن.. العمر اللي ما بيخلصش.. الحب اللي ما بيقبلش الهزيمة، الروح اللي ما بتسمحش للموت اغتصابها، البدن اللي عاش يحلم بملمس إيديك.

أشجان (13)

Posted: 18 يونيو 2011 in نصوص وخواطر
الوسوم:, ,
الإسكندرية
22 فبراير 2011

أغرب ما فيك يا بحر ليلك.. طويل وتقيل كالزمن. احنا ما فرقناش الشجن، احنا فرقنا السكات والموت من غير تمن، والرغبة في المشي بالراحة.. ما هيش سماحة إنك تسيب الموج يبوس خد الشطوط، وتسحبه من تاني.. ما عادش فاضل غير إنك تفيض بالحقيقة، حتى لو كانت هتعني انحسارك.