الشوارع حواديت
حوادية الحب فيها
وحوداية عفاريت
اسمعي يا حلوة لما اضحكك
***
الشارع دا كنا ساكنين فيه زمان
كل يوم يضيق زيادة عن ما كان
اصبح الآن بعد ما كبرنا عليه
زي بطن الأم ما لناش فيه مكان
***
الشارع دا رحنا فيه المدرسة
اللي باقي منه باقي
واللي مش باقي اتنسى
كنسوه الكناسين بالمكنسة
ييجي دور لحظة أسى
أنا برضه كمان نسيت
***
الشارع دا أوله بساتين
وآخره حيطة سد
ليا فيه قصة غرام ماحكيتش عنها لأي حد
من طرف واحد وكنت سعيد قوي
بس حراس الشوارع حطوا للحدودتة حد
***
الشارع دا شفتك إنتي ماشية فيه
لابسة جيب وبلوزة وردي
وعاملة ديل حصان وجيه
اتجاهك اتجاهي مشينا ليه
والشارع دا زحام وتيه
بس لازم نستميت
والشوارع حواديت
حوداية الحب فيها
وحوداية عفاريت
واضحكي يا حلوة لما اسمّعك
Posts Tagged ‘أغاني’
أغنية (الشوارع حواديت) صلاح جاهين – هاني شنودة – فرقة المصريين
Posted: 5 فيفري 2024 in أغاني وموسيقىالوسوم:فرقة المصريين, هاني شنودة, أغاني, صلاح جاهين
0
أغنية (ولا صحبة) حازم ويفي – حمزة نمرة
Posted: 9 نوفمبر 2023 in أغاني وموسيقىالوسوم:أغاني, حمزة نمرة, خازم ويفي
ولا صُحبة أحلى من تجلّي الذات
ولا حضن أدفى من ونس في النفس
غاب الصُحاب لكن الهوى حاضر
قادر ياخدني لحد عين الشمس
ساب القمر ضيُّه على بابي
نور لي كل اللي طفاه الأمس
أنا وحدي جايز بس منّي كتير
حالمين بعالم فيه قلوب تتحس
يا بحر فاصل شطّنا عنهم
بيننا وبينهم ألف سدّ وسد
عايشين بنلضم جرحنا واحنا
فيه شوك في روحنا ألمه فاق الحد
يا صبح جاي يصحي في عيونا
هنعدّي يومنا لو يا دوب ع القدّ
ده الوحدة صُحبة والصدى راجع
يرُد صوتنا هو هو الرد
ننادي تاني بس مين سامع
ولا صحبة أحلى من تجلّي الذات
ولا حضن أدفى من ونس في النفس
أغنية (فاضي شوية) خليل عز الدين – حمزة نمرة
Posted: 31 أكتوبر 2023 in أغاني وموسيقىالوسوم:أغاني, حمزة نمرة, خليل عز الدين
آه يا سلامسيبنا الوقت يعدي قوام
ما حسبناش اللحظة الجايةده اسمه كلامعشنا العمر نربّي حمام
بس نسينا نقوم غيّة
وما يهمكش عادي
اسمع مني الساعة ديمش وقت عتاب أو لومآه فيها إيه لو نرجع ثانيوبدل ما تكون وحداني
تسندني معاك ونقومفاضي شوية نشرب قهوة
في حتة بعيدةإعزمني على نكتة جديدة
وخلّي حساب الضحك عليّ
***
ده احنا يا دوبما لحقناش نقرا المكتوب
علشان نلقى هموم وقسيةده إسمه كلامعيشنا العمر نربّي حمام
بس نسينا نقوم ِغيّة
عارفك مشغول الايام ديما أنا زيك بس عندي
حكايات صعب أخبيهاواكمنك داري بحاليمذاكرني وعارف مالي
مستني عشان أحكيها***
موج الدنيا أناني وعاليوإنت لوحدك وأنا لسة لي
عمر هعيشه معاك لو يوم
ماشي براحتك بس راهنّىعلى يوم منّك وسنين منى
إنك ما بتعرفش تعوم
وما يهمكش عادي
اسمع مني الساعة ديمش وقت عتاب أو لومفيها إيه لو نرجع ثانيوبدل ما تكون وحداني
تسندني معاك ونقومفاضي شوية نشرب قهوة
في حتة بعيدةإعزمني على نكتة جديدة
وخلّي حساب الضحك عليّفاضي شوية ده أنا واحشاني القعدة معاكوإن ما قدرتش تيجي هناك
هستناك المرة الجاية
أغنية (ألوان الناس) عصام عبد الله – محمد الشيخ – علي الحجار
Posted: 25 أكتوبر 2023 in أغاني وموسيقىالوسوم:محمد الشيخ, أغاني, علي الحجار, عصام عبد الله
كانت ألوان الناس والعربيات والدكاكين
بتغطي اللوحة المجروحة
المرسومة في قلبك
كنت بشوفك تمشي في قلب الشارع وحدك
بين الزحام والألوان
كنت بحس إنك ناسية الحب المسكين
من زحمة ألوان الناس والعربيات والدكاكين
تنفض الناس والعربيات
وتنام الدكاكين
تسقط من صدر اللوحة ألوان
كانت بتغطي الحتة المجروحة
وآلاقيكي تحت فانوس دبلان الضي
قاعدة لوحدك تبكي
على الماضي والحاضر والجاي
وبحبك أيوه بحبك
واحلفلك إني بحبك
رغم إن أنا عارف انك
من ألم الجرح في قلبك
بقى كل العالم عندك
عالم كداب ووعوده سراب
لكني ألف بحبك واحلفلك اني حاحبك
وحيجي اليوم واثبتلك
إني راسملك لوحة في قلبي بلون وحنين
غير الوان الناس والعربيات والدكاكين
أغنية (نويت أغني) بهاء جاهين – عمر خيرت – علي الحجار
Posted: 14 ماي 2023 in أغاني وموسيقىالوسوم:أغاني, بهاء جاهين, علي الحجار, عمر خيرت
نويت اغني وقلبي دق
حضنت عودي قالولي لأ
انا قلت آه يا ليل يا عين
والعود تجلى والطبل دق
ده المغنى واجب.. المغنى حق
***
اشمعنى صوت الطيور حلال
تقاسيم إلهي رقة وجمال
لا حد قاسى ولا حد قال
ده كفر بين ولا حد زق
ده المغنى واجب.. المغنى حق
***
انا طير مغني عشي سمايا
العود هوايتي والناي هوايا
وبكرة تسمع الناس غُنايا
ويقول معايا اللي قلبه رق
ده المغنى واجب.. المغنى حق
***
الفن ماله؟ ده الفن نعمة
في البرد شمس.. في الحر نسمة
قمر ونجمة مكتوب وقسمة
وسهم حبه ف الروح رشق
ده المغنى واجب.. المغنى حق
أغنية (طمني عليك) إيهاب عبده – محمد فؤاد
Posted: 13 ماي 2023 in أغاني وموسيقىالوسوم:محمد فؤاد, أغاني, إيهاب عبده
من يوم بُعدك وانا قلبى مكسور وحزين
محتار مش عارف الدنيا واخدانى لفينصعبان على قلبي فراقكطب هعمل ايهجوايا حنين علشانك إزاي أداريه
***
طمنى عليك وقول فين آلاقيك؟مشتاق لعينيك وبموت من شوقي ليكوازاي انا تعيش لو مش وياك..
مش قادر انساك
***
أيامى بقت من غيرك ماليها الويلبتعذب كل ما يجي عليا الليلوبروح على صورتك أخدها ف حضني وانامأهي حاجه وبتصبرنى على الأيامدايما روحك حواليا وف كل مكانبتهون يا ما عليا سنين حرمان
***
طمنى عليك وقول فين الاقيكمشتاق لعنيك وبموت من شوقى ليكوازاى انا اعيش لو مش وياك..
مش قادر انساك
أغنية (عدى علينا) عبد الرحيم منصور – بليغ حمدي – عفاف راضي
Posted: 25 أفريل 2023 in أغاني وموسيقىالوسوم:أغاني, بليغ حمدي, عفاف راضي, عبد الرحيم منصور
عدى علينا وقال يا سلام
يا سلام يا سلام
سلم وقاللي أحلى كلام
قال أحلى كلام
أتاريه كان فرحة وواخدانا
أتاريه كان حيرة مواعدانا
وأهه راح ولا جانا ونسينا يا عيني
لحظة عذابها سنين وأيام
والله ده حرام
كلمة ووراها بحر آلام
والله ده حرام
ومشينا وطالت خطاوينا
ونسينا هو ولا نسينا
وطوينا الدمعة ف أمانينا يا عيني
عدى علينا وقال يا سلام
يا سلام يا سلام
سلم وقاللي أحلى كلام
قال أحلى كلام
أغنية (يا انشغالي عليك) نادر أبو الفتوح – محمد الموجي – عفاف راضي
Posted: 19 مارس 2023 in أغاني وموسيقىالوسوم:محمد الموجي, نادر أبو الفتوح, أغاني, عفاف راضي
ليلة اسهر.. ليلة افكر
قولّي مين ع الحال ده يقدر
عيني ع اللى راح يا عيني
خوفي م اللي جاي أكبر
***
هيطول السفر يا ليالي
آه يا انشغالي عليك
هياخدني السهر يا ليالي
آه يا انشغالي عليك
تبعتلي السلام مفرحش
تبعتلي الكلام مفرحش
هو الكلام يا حبيبي
زي السلام بإيديك
آه يا انشغالي عليك
***
فراق ليلة وبحبكم والله
ولما طل القمر طليت.. ولا لقيتكم
يا ما جرالي عليه
ولما شفت الحمام طاير على بيتكم
يا ما جرالي عليه
يجيبولي الكلام منك
وكأنك كلام وخلاص
يجيبولي السلام منك
وكأنك سلام وخلاص
لأ ده انت حبيبي
حوش عنى السهر يا حبيبي
لا عايزة سلامهم
ولا عايزة كلامهم
هو الكلام يا حبيبي
زي السلام بإيديك
آه يا انشغالي عليك
***
رحت وغبت
وسبت القلب ما لهش حبايب
رحت وغبت
وسبت القلب دايب والله دايب
يتعجب عجايب
وانت شوف من إمتى غايب
أغنية نهاية مسلسل (سامحوني ما كانش قصدي) سيد حجاب – عمار الشريعي – محمد الحلو
Posted: 18 مارس 2023 in أغاني وموسيقىالوسوم:محمد الحلو, أغاني, سيد حجاب, عمار الشريعي
وراحة البال.. تجينا منين؟
وملو الريح.. أنين.. وحنين!
وإمتي نروح لراحة الروح؟
وفى قلوبنا الأمل مجروح!
يا راحة البال.. يا راحة الروح
وفين بكرة اللى جاى.. يا سنين؟!
***
يا حلم إمبارح اللى راح
وكان مليان غنا وأفراح
إذا كان النهاردة جراح
أكيد بكرة صباحه براح
صباح طيب ندي له عينين
يا راحة البال.. يا راحة الروح
وفين بكره اللى جاى يا سنين؟!!
***
يا بكرة يا جاىّ وافينا
بخير وافر.. يكفّينا
وسيب لنا أحلى ما فينا..
من امبارح.. يدفينا
يا بكرة.. قلوبنا عطشانين
يا راحة البال.. يا راحة الروح
وفين بكرة اللى جاى يا سنين؟!!
أغنية مقدمة مسلسل (سامحوني ما كانش قصدي) سيد حجاب – عمار الشريعي – محمد الحلو
Posted: 17 مارس 2023 in أغاني وموسيقىالوسوم:محمد الحلو, أغاني, سيد حجاب, عمار الشريعي
يا راحة الروح.. يا هداوة البال
فينك ف وسط الحيرة والبلبال؟!
يا راحة البال.. يا هداوة الروح
فينك فى وسط التوهة فين ما نروح؟!
يا راحة الروح آه يا هداوة البال
دايرين نعبي البحر في الغربال!!!
***
ما بين زمان الصفا اللى كنا عايشينُه
وبين زمانّا اللى لايشنا.. ولايشينُه
وبين زمان جاي صافي وما فى شي يشينه
في قلوبنا حلم.. ف عينيا دمع حايشينه
بين شمس بكرة وبينّا.. بحور.. وريح.. وجبال
يا راحة الروح آه يا هداوة البال
دايرين نعبي البحر فى الغربال.
***
يا حلم بكره اللى كل أيام شهوره ربيع
وكل لحظة سعادة فيه تدوم أسابيع
حاضن فى قلبه الجميع.. أشراف على جرابيع
يا ريتنا واحنا هنا.. ف زمن الشرا.. والبيع
ما نبيعش زهر البراءة.. أو صفا الينابيع
ونقيم ما بين بكرة وماضينا.. جسور.. وجبال
يا راحة الروح آه يا هداوة البال
لا ندور نعبى البحر في الغربال
سلسلة “أقدم لك” كاملة
Posted: 16 مارس 2023 in كتب وموسوعات, مختارات أدبية, مختارات سياسية, ثقافة وفنونالوسوم:أغاني, حسين طنطاوي, سيد الملاح
أغنية نهاية مسلسل (كناريا وشركاه) سيد حجاب – ياسر عبد الرحمن – علي الحجار
Posted: 14 مارس 2023 in أغاني وموسيقىالوسوم:ياسر عبد الرحمن, أغاني, سيد حجاب, علي الحجار
يا زقزقات الكناريا
دنيتنا بايعة وشارية
فينا وبتصحي فينا
جروح ماضينا الدفينة
واحنا في توهة وهرية
***
دنيا شقا كلنا عيشها
والخوف راعشنا وراعشها
ووحوشها طيشها ناعشها
ونافشة ريشها وضارية
يا زقزقات الكناريا
***
عدوة ولا صديقة
يا دنيا ده الناس في ضيقة
بس الحقيقة المضيئة
أحكامها ع الكل سارية
***
امتي الوحوش في جحورها
يترد كيدها لنحورها
والدنيا تصفى بحورها
بين السمك والبِساريا
يا زقزقات الكناريا
أغنية مقدمة مسلسل (كناريا وشركاه) سيد حجاب – ياسر عبد الرحمن – علي الحجار
Posted: 12 مارس 2023 in أغاني وموسيقىالوسوم:ياسر عبد الرحمن, أغاني, سيد حجاب, علي الحجار
دي دمعة من قلبي على الخد جارية؟!
ولا دي بسمة.. نسمة في مسامّي سارية؟!
لا لا.. دى أرواح طاهرة طايرة ف براح
وذكرى عمر ف توهة وف توبة راح
يا قلبى عيش مع زقزقات الكناريا
***
بين دنيا دايرة جروحها في روحنا غايرة
وأماني فايرة في دنيا تانية مغايرة
فيه قلة جايرة وقلة غايرة ومعايرة
والناس مسايرة وحايرة أو فاهمة قارية
ويا قلبي عيش مع زقزقات الكناريا
***
بين رهبة م التوهة.. وتوبة برغبة
سددنا دينّا وغيرنا أغنى وأغبى
وقلوب مصاحبة الحق صاحية ومشاغبة
وقلوب تدوب في قلوب.. ولا هيه دارية
ويا قلبى عيش مع زقزقات الكناريا
أغنية نهاية مسلسل (الشهد والدموع) سيد حجاب ـ عمار الشريعي ـ علي الحجار
Posted: 24 فيفري 2023 in أغاني وموسيقىالوسوم:أغاني, سيد حجاب, علي الحجار, عمار الشريعي
نفس الشموس بتبوس على روسنا
نفس التراب يحضن خطاوينا
طب ليه بنجرى ونهري فى نفوسنا
وليه نعيش ناكل فى بعضينا
***
يا غربة الإنسان ما بين ناسه
يا توهة الروح في زمان مشيوه
ناس الزمن ده ليه بيتناسوا
والإبن ما بقاش يرعاش بيت أبوه
***
يا غربتي بين صحبتي وأهلي
يا توهى الروح في زمان مجروح
بهدهد الأحلام على مهلي
يا خوفي قبل ما تيجي عمري يروح
***
يا غربة الإنسان عن روحه
لما يبيع روحه عشان المال
بوم الخراب يزعق على سطوحه
ويقضي عمره يجرجر الأحمال
***
آدى الحقوق وآدى اللى طالبينها
والحق تاه فى الباطل البطال
وقلوبنا تاهت عن محبينها
ونجومنا عالية بعيدة ما تنطال
أغنية مقدمة مسلسل (الشهد والدموع) سيد حجاب ـ عمار الشريعي ـ علي الحجار
Posted: 23 فيفري 2023 in أغاني وموسيقىالوسوم:أغاني, سيد حجاب, علي الحجار, عمار الشريعي
تحت نفس الشمس وفوق نفس التراب
كلنا بنجري ورا نفس السراب
كلنا من أم واحدة، أب واحد، دم واحد
بس حاسين باغتراب
***
ليه بنتغرب في دنيتا الغريبة
ليه نقابل كل شيء بشكوك مريبة
ده احنا لو عشنا حياتنا بصفو نية
نجمة الحلم البعيد هتبان قريبة
***
يا زمان الغربة دورنا مهما دورنا
روج بتبدرنا وريح تضرب صدورنا
بس طول ما قلوبنا مليانة محبة
كل هبة ريح هنا تغرس جدورنا
***
ليه تفرقنا الأماني والمطامع
إيه يفيد المال إذا ما مال زماني
مال تجيبه الريح تروح تاخده الزوابع
يا ما فضة انفض سوقها في ثواني
***
يا زمان الغربة يا ملفلف كسورنا
يا للي بتزوم فوق عششنا وفوق قصورنا
طول ما بنحب الحياة وبنحب ناسها
لا الجدور هتبور ولا تنهار جسورها
***
الحقيقة نار تعيش تحت الرماد
في ضياها بهتدي لحلمي بخيالي
والمحبة تفجر الروح في الجماد
وبمحبة قلبي هقدر ع الليالي
***
يا زمان الغربة مهما حتكاسرنا
حلمنا هنحققه مهما خسرنا
طول ما خيرنا لغيرنا حتى لو رحلنا
في الحياة هنمد لينا جدور مسيرنا
***
من حنان الحب هل الغل جانا
من مرارة الغل جلجل صوت رجانا
نبكي م الغل اللي بيعكر حياتنا
ولا م الحب اللي هدهدنا وشجانا
***
يا زمان الغربة ليلك بيحاصرنا
وفي ضلامه المر طاوينا وعاصرنا
بس طول ما الحب بيرفرف علينا
الجدور هنمدها ونصنع مصيرنا
أغنية (السجن) عبد الرحمن الأبنودي – جمال سلامة – علي الحجار
Posted: 21 فيفري 2023 in أغاني وموسيقىالوسوم:أغاني, جمال سلامة, علي الحجار, عبد الرحمن الأبنودي
السجن مش أحجار ولا أسوار ولا قضبان
وأنا مش لازمني زنزانات ولا باب ولا سجان
أنا سجني جوايا تنوره دموعي
زنزانتي في قلبي
قضباني في ضلوعي
أنا لا قتلت الوردة
ولا دوست علي بستان
انا قتلتني وردة
كان عطرها أحزان
مش عاوز أقول مظلوم
أنا عاوز أقول متهان
أنا يا ناس متهوم
ميت بلا أكفان
محبوس في حكاية
وسجني جوايا
أغنية مقدمة مسلسل (أولاد آدم) سيد حجاب – ميشيل المصري – على الحجار
Posted: 20 فيفري 2023 in أغاني وموسيقىالوسوم:ميشيل المصري, أغاني, سيد حجاب, علي الحجار
يا عم أدم عيالك متبعترين ف المتاهة
دسنا بقدمنا خيالك
وحياتنا ضلت خطانا
مدينا ف الكون خطانا
زدنا ف غلطنا وخطانا
واما زمانا عطانا
صرنا لإبليس بطانة
العلة دي منا فينا
والا دي علة دفينة
يا دنيا لا تلفلفينا
ولا تلعبي بالسفينة
ورسيها على مشتهاها
***
لما رفضنا رضانا
روحنا برضانا لقضانا
سكنت همومنا في عضانا
وصريخنا ضاع في فضانا
يا حلم بينا وبينك
بحر ومستصعبينك
وبشوقنا مستقربينك
جاوب على طالبينك
بلغ قلوبنا مناها
أغنية (أنا الأديب وانتم أدرى) محمود الطويل ـ الشيخ إمام عيسى
Posted: 18 فيفري 2023 in أغاني وموسيقىالوسوم:محمود الطويل, أغاني, الشيخ إمام عيسى
أنا الأديب وأنتم أدرى
وعاشق الناس والخضرة
لا عمري طبلت ف حضرة
ولا قلت حاضر للنصاب
الله الله يا بلدي ولا كنا صحاب
***
خاين ولا حد يجيره
زي الكلاب يلقى مصيره
قتيل وفايتلنا غيره
ماشيين وف نفس السرداب
الله الله يا بلدي مخبر ع لباب
***
سلام مربَّع للجرانين
فارشين صور تحت العناوين
سينا اللي راجعة عريسها عليل
وأغلب المعازيم عزَّاب
الله الله يا بلدي والكل كلاب
***
آدي السلام ولا بلاشي
سينا اللي مدفع ما فيهاشي
بالأمر جيش ما يروحهاشي
حطولها قفل ورَزة وباب
الله الله يا بلدي والأرض خراب
***
مشوا الجيوش مشية وِزَّة
ترقص وعقبال يوم غزة
اشرب وحيجيبوا المزَّة
من أورشليم فستق وكباب
الله الله يا بلدي والعيشة هباب
***
ما احلى السلام بطَّل كلاكيع
ممنوع كلام ضد التطبيع
علشان ما يلحق نفسه يبيع
أحلامنا يا حلاوة الأحزاب
الله الله يا بلدي شوفوا الكذاب
***
أصل الحكاية إن بهية
مدبوحة وبتدفع دية
يا مصر حتعيشي مطية
إذ يحكمك دبورة وكاب
الله الله يا بلدي سنوا الأنياب
أغنية (دور) مجدي نجيب – منير مراد – شريفة فاضل
Posted: 17 فيفري 2023 in أغاني وموسيقىالوسوم:منير مراد, مجدي نجيب, أغاني, شريفة فاضل
دور دور دور ..
لف الدنيا بحالها
لو حتوه في جمالها
راح ترجع هنا
دور دور دور..
مش راح تنسى زماني
ولا حتى تنساني
***
يا قلبي يا متغرب يا فرحي ليه تهرب
ليه بنعيش حياتنا ونعيش بالشكل ده
مهما كنت معدي، واجب برضه تهدي
تنور شمس عمري وتسأل عننا
حتلاقيني تاني حتلاقي حناني
وتاني يضمنها
***
يا دنيا ما كفاية
ده حبيبي ويايا
خليكي دنيا حلوة بتحضن حبنا
يا دمعة ما تدوبي
معايا محبوبي
حنقرب شمس بكرة ونتمم فرحنا
ومعانا الحبايب والحلو اللي غايب
ونتقابل هنا
<
p style=”text-align: center”>
أغنية (داري يا قلبي) محمود فاروق – حمزة نمرة
Posted: 14 فيفري 2023 in أغاني وموسيقىالوسوم:محمود فاروق, أغاني, حمزة نمرة
مالك مش باين ليه؟قلبك تايه من مدة كبيرةخايف تتكلم ليهفي عيونك حيرة وحكاوي كتيرة
***
متغير ياما عن زمانقافل على قلبك البيبانحبيت وفارقت كام مكانعايش جواك
***
إحساسك كل يوم يقلوتخطي وخطوتك تذلمن كتر ما أحبطوك تملفين تلقى دواك
***
بتودع حلم كل يومتستفرد بيك الهموموكله كوم والغربة كوموالجرح كبير
***
ما بتديش حاجة اهتمامأهلا أهلا.. سلام سلامبقی طبعك قِلة الكلامومفيش تفسير
***
داري… داري
يا قلبي مهما تداري
قصاد الناس حزننا مكشوف
و أهه عادي.. عادي
محدش في الدنيا دي يتعلق بشىء ..
إلا و فراقه يشوف
***
كل اللي معاك في الصورة غابوطنك والأهل والصحابكام واحد ودع وسابمن غير أسباب
***
شايف في عينيك نظرة حنينبتحن لمين ولا مينطول عمرها ماشية السنينوالناس ركاب
***
مع دقة عقرب الساعاتبتموت جوانا ذكرياتعشّمنا قلوبنا باللي فاتونسينا نعيش
***
كان مكتوب نمشي الطريقونفارق كل مدى شيءاتسرق العمر بالبطيءورسي على ما فيش
***
داري… داري
يا قلبي مهما تداري
قصاد الناس حزننا مكشوف
و أهه عادي.. عادي
محدش في الدنيا دي يتعلق بشىء..
إلا و فراقه يشوف
اُكْتُبْ كَيْ لَا تَكونَ وَحِيدًا 