أغنية (على رمش عيونها/على قد ما يومها) حسين السيد – بليغ حمدي – وديع الصافي – وردة

أغنية وديع الصافي

 

على رمش عيونها قابلت هواه

طار عقلي مني و قلبي غواه

وانا يا للي كنت طبيب الهــــوى

ولأهل العشق ببيـــع الدوا

من نظرة لقيتني صريع الهوى

ياااااااااباي… ياااااااابوي

***

لها ضحكة ياويلي بلون السهر

لمـــــــا الورد بيملى شفايفه قمـــر

ضحكة لها بالودن ابتسامة القدر

فوق خدود العطاشى فى يوم المطر

***
خدني شوقى لقيتني بروح عندها

حد تاني سبقني وخد يدها

كان حبيبها وغايب بقاله سنــة

والنهـــاردة وصل على بختي انا

***

أغنية وردة الجزائرية

 

على قد ما يومها فرحنا سوا

ده كلامه عجبني في وصف الهوى

وانا ياللي كنت بخاف م الهوى

ولغيري يا ما وصفت الدوا

من نظرة لقيتني بدوب في الهوى

ياااااااااباي… ياااااااابوي

***

خدني قلبي لقيتني بطير في السما

ويوميها يا عيني نسيت مين أنا

ولقيتني دايبة في بحر الهنا

والليالي احلوت تاني لنا

***

الدقيقة الحلوة بتسوى سنة

والكلام الحلو سمعته هنا

والليالي الدافية بنار قلبنا

تدي كل الدنيا دفا وهنا

***

القمر ده ليلاتي ضيف عندنا

والنجوم بتنور ليلنا لنا

وليالي المغنى بتحلى هنا

والناس سهرانة معانا هنا

أغنية (ساعة ما بشوفك جنبي) حسين السيد – محمد عبد الوهاب – نجاة الصغيرة

ساعة ما بشوفك جنبي مقدرش أدراي وأخبي

أبكي من فرحة قلبي، وانسى العذاب

يا نور عيوني، زادت شجوني.. دبل جفوني كتر الغياب

طيفك ده تملي شاغلني مطرح ما أروح يقابلني

أجي أضمه يخايلني، ألاقيه أوهام

صعبان عليا كتر الأسية.. ارحم شوية وبلاش خصام

صبرت الشوق على بعدك

كان أملي تحفظ عهدك

أتاريك حنيت لعوايدك وشغلت البال

ليل نهاري من كتر ناري، أصبر وأداري وأطوي الآمال

خلتني نسيت أحبابي، ووهبتك زهر شبابي

وقطفته ليه تخلى بي

كل دا يرضيك، كل دا يرضيك

تهجرني برضه أحبك

تلاوعني برضه أحبك

تنساني برضه أحبك

مقدرش أنساك

 

أغنية (بحبك) حسين السيد – حلمي بكر – هاني شاكر

 

بحبك قد عمري اللي بقيت أخاف عليه

خليتني ابتديت أحس بيه

ده اتاري العمر غالي ومكنتش واخد بالي

إلا اما شفتك انتي يا عمري كله انت

يا أغلى حاجة فيا يا عمري بحبك

***

يا قلبي يا حبيبي ما تهدى امال شوية

الحب موجه عالي والموج ده شديد عليا

عمري ما سمعت دقتك عمري ما شفت فرحتك

ولا دقت حلاوة همستك إلا من يوم ما صادفتك

***

بحبك حنان اداني الأمان وخلاني بتحدى مشوار الزمان

واحبك آهات لما بقول ساعات يا خسارة أيامي من عمري اللي فات

واحبك سماح لو هبت رياح والاقيكي مقابلاني بعيون السماح

 

أغنية (قولّي بحبك) حسين السيد – محرم فؤاد

 

قولّى بحبك قولّى.. عايز أسمعها تملي
بتجدد أحلامي وترجع أيامي
وبحس إني بقرب منك لما تقولّي بحبك
قول قول.. قولّى بحبك قولّي

***
زى الندى ما بينزل ع الغصن ويسقيه
الكلمة دي بتنزل ع القلب تصحيه
وتجددله شبابه طول ما هي عايشه فيه
يبقى الفكر غالبني والهجر مغلبني
على أمل إنك بكره هتيجي برضه تقولّي بحبك
قول قول قولّي بحبك قولّي
***

مش بطلبها منك صدقة أو إحسان
زى أنا ما بقولها قولها إنت كمان
زى ما كنت بتعرف تيجي تقولها زمان
وأظن إنت فاهمنى وفاهم إيه بيألمني
حتى يوم ما تخاصم إبعت مره
وقوللي بحبك قول قول، قولّي بحبك قولّي

أغنية (من خطوة لخطوة يا قلبي) حسين السيد – سعد عبد الوهاب

من خطوة لخطوة يا قلبي جانا الأمل مغلوب
في عيون كانت تبعد وتخبي فتنت على المكتوب
ان كان هنا ولا ضنى مش عايز انا أكتر من المكتوب

***

كان الامل كلمة بتتقال، اضحك واقول دا كلام وبعيد
دلوقتي شوفته كأنه خيال، كان ليا عنده زمان مواعيد
وفات عليا بنور وجمال زي الندى وفجر جديد
***
حتى الطيور ساعة ما شافوه في عينيا عرفوا الفرحة منين
وكل واحد وشوش اخوه في ضل وردة وخد ميعادين
والورد لما حبايبه عازوه حلف ما يدبل ولا سنتين

أغنية (علشان الشوك) حسين السيد – محمد عبد الوهاب – نجاة – سمية القيصر

 

علشان الشوك اللى فى الورد بحب الورد

واستنى جرحه وتعذيبه وان عشق القلب بيهون الجرح

ما دام يمكن يواسيه عطف حبيبه

روحي بتهواه وهواه سهر فى عينيا الليل

يا ما طلت رضاه، وجفاه يا ما صحاني ليل

وينام فجر ويصحى فجر وانا بستني وبفكر

واحسب عمري ساعه بشهر بفرحة شوق ما تتقدر

وافني الهجر بأمل الصبر على فرحة أمل اكبر

***

ياللي فى هواك ومعاك قضيت العمر فى يوم

طول فى جفاك وفداك حالي وعداك اللوم

بعدك عني نار بتغني وترقص شوكتي فيها

ويطمني قربك مني بأجمل نار بقاسيها

من حلاوتها الناس حسدتني على النار اللى انا فيها

أغنية (يا قلبي يا خالي) حسين السيد – محمد عبد الوهاب – عبد الحليم حافظ

يا قلبى يا خالي .. جاوب عن سؤالي

مشغول من إيه .. وشاغلني ليه

ليه ليه .. يا قلبي ليه

***

الدنيا فى عيني بقت حلوة .. إيه اللى زود حلاوتها

وإيه اللى خلاها غنوة .. وإيه اللى خلاك غنيتها

تفوت ع النور .. تقول مش نور وتعشق نور سواد العين

وييجي الليل تحب الليل وتنسى الفجر يوم واتنين

ليه ليه .. يا قلبي ليه

****

ما يكونش يا قلبي اللى بيجرى لغيرك هو اللى جرالك

ما تكونش قابلت عنيه مرة وميعادهم كان مش على بالك

بتنكر ليه .. شاور لي عليه أشوفه معاك وأروح وياك

تقاسي النار وأنا محتار .. ليه تحرمني أقاسي معاك

ليه ليه .. يا قلبي ليه

أغنية (يا مسافر وحدك) حسين السيد – محمد عبد الوهاب – نجاة – وردة

 

 

 

يا مسافر وحدك وفايتني
ليه تبعد عني وتشغلني

ودعني من غير ما تسلم

وكفاية قلبي أنا مسلم
دي عينيا دموعها بتتكلم
***

على نار الشوق أنا حستنى

واصبر قلبي واتمنى
على بال ما تجيني واتهنى
طمعني بقربك آه  واوعدني
***
خايف لا الغربة تحلالك

و البعد يغير أحوالك
خليني دايما على بالك
***
مهما كان بعدك حيطول

أنا قلبي عمره ما يتحول
حفتكرك اكثر م الأول
بس انت اياك تبقى فاكرني

أغنية (قولّي حاجة) حسين السيد – محمد عبد الوهاب – عبد الحليم حافظ

قولّي حاجة.. أي حاجة
قول بحبك، قول كرهتك.. قول وميهمكش حاجة
قولي عايزك، قولي بعتك،

بس قولي أي حاجة يا حبيبي

***

عمري ما اتعودت تبقى معايا وتفكر لوحدك
داحنا الاتنين قلب واحد دقته عندي وعندك
وانت قلبي وانت املي قولي مالك ساكت ليه
قول يا قلبي قول يا املي قول مخبي عليا ايه

***

لو في قلبك شكوى مني اشكي مني لوم عليا
وان لقيت الحق عندي اديهولك من عنيا

***

كل كلمة كل همسة روحي دايما شايلاهالك
كل دمعة كل فرحة اجري دايما واحكيهالك

أغنية (يا للي نويت تشغلني) حسين السيد – محمد عبد الوهاب

ياللي نويت تشغلني طاوعني وابعد عني

ان حبيتك يبقى يا ويلك من حبي

اغير عليك لو اسمك يخطر على بال غير بالي

واخاف عليك لو رسمك لاح فى خيال غير خيالي

عايزك تكونلي انا وحدي ما يكونش قبلي ولا بعدي

وإن جيت فى يوم تشغلني طاوعني و ابعد عني

ان حبيتك يبقى يا ويلك من حبي

***

اللى تشوفه عيني لازم تشوفه عينيك

وتحن دايما لي ساعة ما احن اليك

تسعد هواي والقلب إن شكى يوم تداويه

وتعيش معايا فى الجو اللى اعيش انا فيه

راح اشغل فكري وبالي عليك واحبك وافضل اعيش بهواك

لحد ما ييجي يوم والاقيك آمنت بحبي وجيت برضاك

عايزك تحقق ظني واعيش معاك متهني

وإن جيت فى يوم تشغلني طاوعني وابعد عني

ان حبيتك يبقى يا ويلك من حبي

أغنية (أنساك إزاي) حسين السيد – محمد عبد الوهاب – فايزة أحمد

اللي حبوا.. قدروا ينسوا ازاي وليه.. ليه ليه
ده انت غايب.. بس حبك ليل نهار بتغنى بيه.. بتغنى بيه
واللي يهوى الحلو لازم يرضى بالمر اللي فيه

***
انساك ازاي.. ازاي انساك.. ازاي
دانا لو قلبي ينساك.. العين ما بتخبيش
وعينيٌا لو تنساك.. الفكر ما يسيبنيش
والفكر لو ينساك.. الشوق ما يطاوعنيش
والشوق لو كان يطاوعني.. حبك ما يرحمنيش

***

روحي انا.. انا انا انا
ليه بس انا.. انا انا انا
اشمعنى انا.. انا انا انا
ما قدرتش انسى يوم.. ولا ساعة هنا
وبيلوموني.. ويقولولي: ليه
ليه ما اعملش زيك.. وانسى حبك.. ليه
هوه اللي حبك.. وشاف حلاوتك

ح ينسى ايه بس.. ولا ايه

أغنية (أبجد هوز) حسين السيد – محمد عبد الوهاب – ليلى مراد – نجيب الريحاني

أبجد هوز حطي كلامً

شكل الأستاذ بقى منسجمً

أستاذ حمام نحن الزغاليل

من غير جناح بنميل ونطير

والمكر فينا طبع جميل

إن قلنا لأ لأ يعني نعمً

***

إن جاء زيد أو حضر عمروً

طب واحنا مالنا إن شالله ما حضرم

والمبتدا هنجيبله خبره

من نظرة واحدة هيصبح عدمً

***

كان فعل ماضي ما تسيبه في حاله

والماضي إحنا مالنا وماله

خلينا في الحاضر وخياله

ونعيش على بهجته وجماله

ده القلب لسة في عز أماله

عايز يعيش على طول مبتسمً

***

آه لو أبوكي حضر ويانا

وشاف وسمع الغنا ده ويانا

أنا اللي هكون في خبر كان

بدل الماهية راح أخد صرمً

أغنية (جواب حبيبي) حسين السيد – محمد عبد الوهاب – ليلى مراد

جواب حبيبي بخط إيده

قريته واللي أقراه أعيده أعيده

جاي بعد يومين وأبوسه منين

***

كلامه أحلى م الأنغام فيه حنية

كلامه أحلى م الأنسام في الفجرية

كاتبه بقاله سبع أيام حن عليا

***

يا جاي من عند الأحباب

طمنت قلبي عليه يا جواب

بددت وهمي وكان كداب

وحشوفه جنبي واتهنى بحبي

***

من طول حنيني وشوقي إليه

شايفاه وروحي بتجري عليه

هالل وبيسلم بإيديه

من كتر غرامي بسبق أيامي

أغنية (اتمخطري يا خيل) حسين السيد – محمد عبد الوهاب – ليلى مراد

اتمخطري واتمايلي يا خيل
وارقصي ويا عرايس الليل
واتمخطري يا خيل

***

اتمخطري واتمايلي معانا
خلي الدنيا تميل ويانا
خلي العاشق يجري ورانا
ليل ونهار.. ونهار وليل

***
احنا شباب النور وزهوره
للي شبابه اتمسى بنوره
يا فرحة قلب اللي نزوره

***

اجري يا خيل ده الوقت سرقنا
غاير منا ومن عشاقنا
اجري وخلي النور علشانا

***
يا دنيا لفي بينا يا دنيا واجري بينا
بس اوعي تسبقينا يا دنيا وتفوتينا

أغنية (انت وأنا) حسين السيد – رياض السنباطي – ليلى مراد

 انت وانا اتنين سوا طايرين كدة ويا الهوا

انت وانا مع بعضنا ما اسألش رايحين فين

وإن غبنا ساعة أو سنة حتفوت في غمضة عين

ده العمر كله يوم هنا يتهنوا بيه قلبين

واللي قالولي اوعي الهوى بيخوفوني م الهوى

آه ع الهوى واحنا سوا طايرين كدة ويا الهوا

***

أنا وردة نايمة وفتحت لما قابلني هواك

صحيت عيوني وصبحت ع الدنيا في بدء لقاك

نسمة غرامك فرحت قلبي واسيني معاك

دي الوردة يحيها الهوا ليه يحرموها م الهوا

آه ع الهوى واحنا سوا طايرين كدة ويا الهوا

أغنية (كلمني يا قمر) حسين السيد – أحمد صدقي – ليلى مراد

كلمني يا قمر فهمني ياقمر
جمالك ليه ظهر الليلة يا قمر؟
***

دي نجومك يا سما بترقص في السما
بقى لي كام سنة ما شفتش حسنها
واشمعنى يا ترى الليلة يا ترى
نجومِك في الفضا طالتني وطلتها
يا هلترى ده خيال في العين فات ع العيون وسرح بيهم؟
ولا الجمال صادف روحين فرح الوجود من معانيهم؟
ما تقول لي يا قمر فهمني يا قمر

جمالك ليه ظهر الليلة يا قمر؟

***

يا واهب الفنان بالروح وبالوجدان
أملي من الحرمان خليته لك وحدك
يا للي خلقت الليل لعيون تقول يا ليل
قوللي نجوم الليل كاتبالي إيه عندك
يا هل ترى ده جمال حيدوم وح أشوفه ويشوفني تاني؟
والا الآمال حتنام وتقوم والاقيها رايحة و فايتاني؟
ما تقوللي يا قمر فهمني يا قمر

جمالك ليه ظهر الليلة يا قمر؟

أغنية (على مهلك) حسين السيد – عزت الجاهلي – ليلى مراد

على مهلك حاســـــب على مهلك
واحدة واحدة علشان النار اللي في قلبك
تفضل قايدة.. واحدة واحدة
***

أنا لسه يدوب عارفاك وعينيّا يدوب شايفاك
عمّـال تحـكيلـي كلام من فمك حلو مليح
أشواق وغرام وهيام خايفة لا ما يكونش صحيح
***

من ساعة قلبي ما جه جارك
نار حبه قادت من نارك
من خوفي عليه لا النار تكويه
عمّـال أداديه وأحايل فيه
وبقول يا قلبي ارجع داري على نارك تولع
أنا خايفة ما عرفاش ليه
خزيانة ما عرفاش ليه

أغنية (حقك عليا) حسين السيد – أحمد صدقي – ليلى مراد

حقك عليّ ما  تزعلشِ مقدرش والنبي ما اقدرش

ده أنا أبيع الدنيا فدا نســــــمة  ألاقيك من بدري بـــاعتهالي

وأضحّي روحي عشان كلمة  تضحك في عينيك وتقولهالي
وتصدق أو ما تصدقش الحق عليّ ما تزعلش

***

بتغير من إيه ده أنا أسراري دايما وياك من ورا عقلي
وتخاف من إيه ده أنا أفكاري طول عمرك تقراها قبلي
واللي يجب ما يكرهش حقك عليّ ما تزعلش

***

تعاللي وهات عيني في عينك  وأنا أصالحك وانت تصالحني
دي الدنيا بــخطوة بيني وبينك هات ايدك يا الله وســــــامحني
بس اضحك بقى ما تكشرش حقك عليّ ما تزعلش

أغنية (ماليش أمل) حسين السيد – محمد عبد الوهاب – ليلى مراد

ماليش أمل في الدنيا دي
غير اني اشوفك متهنّي
حتى ان لقيت ان بعادي
راح يسعدك ابعد عني
اما انا مهما جرى
حافضل اصون عهد الهوى
وان غبت يوم ولا سنة
حافضل انا برضه انا
***
عندي من الأيام أيام اقدر اصورها في بالي
وعندي م أحلام أحلام حافضل اعيشها في خيالي
واللي انت شايفه في عينيا صورة هواك
وكمال طيفك علشان لو الشوق فاض بيا
هندم عليك واقدر اشوفك
***
أحلفك بعذابي اللى انت عايش فيه متهني
واحلفك بشبابي اللى لا نابك يوم ولا نابنى
ان جيت في يوم ومحبتنيش
اكدب عليا ولا تقوليش
خلينى احبك وافضل احبك
من غير ما اعرف ايه سر قلبك
خلينى خلينى خلينى احبك

أغنية (الحب جميل) حسين السيد – محمد عبد الوهاب – ليلى مراد

الحب جميل للي عايش فيه
له ألف دليل اسألوني عليه
***
بيفوت ع العين ويصحيها من عز النوم
ويفوت ع الروح ويطير بيها الدنيا في يوم
ولما القلب يجي يفرح ساعة ما ألاقيه قاعد جنبي
أمالي الحلوة تتمرجح في دقة قلبه مع قلبي
***
وإن فات حبيبي يوم أو غاب

أنا والظنون دايما في عتاب

واللي انشغل بهوى الأحباب

عذابه راحة وراحته عذاب

***
لا اللي صفاله حبيب باله هدي وارتاح
ولا اللي فاته نصيبه نامت في قلبه جراح
لما يخاصمني بأفرح وأصور فرحة لقاه لو يوم جاني
وإن جه صالحني أبكي وأفكر من خوفي لا يخاصم تاني