Posts Tagged ‘سيد مكاوي’
المسحراتي فؤاد حداد (98) العاشر من رمضان “بيان العصر” – ألحان وغناء/ سيد مكاوي
Posted: 15 جوان 2016 in مختارات أدبية, أغاني وموسيقىالوسوم:فؤاد حداد, أدب, أغاني, سيد مكاوي, شعر عامية
0
اصحى يا نايم اصحى وحد الدايم
المسحراتي فؤاد حداد (97) والله زمان – ألحان وغناء/ سيد مكاوي
Posted: 14 جوان 2016 in مختارات أدبية, أغاني وموسيقىالوسوم:فؤاد حداد, أدب, أغاني, سيد مكاوي, شعر عامية
اصحى يا نايم
وحد الدايم
وقول نويت
بكره إن حييت
الشهر صايم
والفجر قايم
اصحَ يا نايم
وحد الرزاق
رمضااااااان كررررريم
مسحراتي قولوا والله زمان
منقراتي وادي نقرة كمان
طوال السنة في حبكم هيمان
قولوا العوافي يللي قلبك وافي
من القوافي لما خدت الأمان
قلدت بحر النيل بلا استئذان
بين الشواطئ أمشي في الأحضان
وأضاحك الفجرية واسقي الغيظان
وأهدي الكباري نظرة الولهان
وأكسر خيالي في كل عود إنسان
وفي نيتي أكبر من الفيضان
الضي بعد الري من أسوان
عبرة حياتي وصنعة الفنان
معنى المروءة وزرع الاطمئنان
في كل مطرح لما ألاقي حنان
وألاقي قعدة تجمع الخلان
وألاقي نسمة من هوى الأوطان
وألاقي قمح جنب منه ريحان
وألاقي طيب: أفتكر رمضان
المشي طاب لي والدق على طبلي
ناس كانوا قبلي قالوا في الأمثال
الرجل تدب مطرح ما تحب
وأنا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحتة من بلدي حتة من كبدي حتة من موال
رمضان حبيب الندى بالعودة أيامه
أنا قلبي ياما نده على معنى أيامه
أذكر المؤمنين بالحق وصيامه
يا مصر يا جنة خضرا ويا رباط الخيل
وجب من الليل جهاد الفجر وقيامه
اصحَ يا نايم وحد الدايم
السعي للصوم خير من النوم
دي ليالي سمحة نجومها سبحة
اصحَ يانايم يا نايم اصحَ
وحد الرزاق…
رمضااااان كرررريم
المسحراتي فؤاد حداد (96) جنود الوطن – ألحان وغناء/ سيد مكاوي
Posted: 13 جوان 2016 in مختارات أدبية, أغاني وموسيقىالوسوم:فؤاد حداد, أدب, أغاني, سيد مكاوي, شعر عامية
اصحى يانايم وحد الدايم
وقول نويت بكره ان حييت الشهر صايم والفجر قايم
اصحى يا نايم وحد الرزاق
رمضان كريم
مسحراتي كل ليله نعود
منقراتي والنغم عنقود
طالب رضاكم والليالي شهود
وبيوت على ايديا وعلى كتافي
وغنايا للحرية وهتافي للجبهه
جنود الوطن يا جنود
أنا منشد الإنسان وانا الحاضر
مع كل طير يحمل سلام عاطر
مع كل خاطر في العيون السود
يا كل خير في الأرض يتغنى
يا أطيب الأسماء على لسانا
أحمد وسعد ومصطفى ومحمود
دق السحور وتفتحت طاقه
لاحت صور في عيوني مشتاقه
ودعيتلكم أمي وحبا مولود
ودعيتلكم بالصحة والعافيه
ريحة عرقكم في الهدوم دافيه
على حسكم الاخضر زرعنا العود
اصحى يا نايم وحد الرزاق
رمضان كريم
على ضي إيدكم قايم المجهود
على إنسانيتكم أمل وصمود
والمشي طاب لي والدق على طبلي
ناس كانوا قبلي قالوا في الأمثال:
“الرجل تدب مطرح ما تحب”
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
الأرض فلاح شقاه طيب وصبره جميل
الأرض شاعر يفتح زهرة المواويل
الأرض عامل يهادي والأيادي سبيد
الأرض إنسان .. الأرض جندي
وكل حدودنا طعم النيل
اصحى يا نايم وحد الدايم
السعي للصوم خير من النوم
دي ليالي سمحه نجومها سبحه
اصحى يا نايم .. يا نايم اصحى
وحد الرزاق
المسحراتي فؤاد حداد (95) كروان – ألحان وغناء/ سيد مكاوي
Posted: 11 جوان 2016 in مختارات أدبية, أغاني وموسيقىالوسوم:فؤاد حداد, أدب, أغاني, سيد مكاوي, شعر عامية
اصحى يا نايم اصحى يا نايم اصحى وحد الدايم
وقول نويت بكره ان حيت الشهر صايم والفجر قايم
اصحى يا نايم وحد الرزاق
رمضان كريم
مسحراتي ماقالش آه منقراتي شكر شقاه
هو ونسيبه شباك نسيبه شباك لاقاه
كفاية عاين من حق داين شجر جناين زرع نقاه
الحمد لك
وعاش الليالي كروان يلالي بين العلالي سجدة ملك
الحمد لك
حنانه دافي كرواني بيوافي قلبي الى خافي تحت الفلك
الحمد لك
من بحر عشقي كروان بيسقي املي ورزقي ما اعدلك
الحمد لك
كروان يشقر تطل نجمه معه تشكر في كل نعمة
وجناحه شور رجعتلي نسمه والمسعى نور لمن سلك
المشى طاب لي والدق على طبلي
ناس كانوا قبلي قالوا في الامثال:
“الرجل تدب مطرح ما تحب”
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
سبحت يا كروان بالحمد وزيادة
قول للزمان التفتلك والطريق ناداه
سبحت يا كروان بالحمد وزيادة
وقول للزمان التفتلك والطريق ناداه
من البلد للبلد حسك بيتهادى
من البلد للبلد حسك بيتهادى
يفرد ويطوي في الف شراع وسجاده
اصحى يا نايم اصحى يا نايم اصحى وحد الدايم
السعي للصوم خير من النوم دي ليالي سمحه نجومها سبحه
اصحى يا نايم يا نايم اصحى
وحد الرزاق
اصحى يا نايم يا نايم اصحى
وحد الرزاق.
المسحراتي فؤاد حداد (94) تاج المدينة أبو زيد هلال – ألحان وغناء/ سيد مكاوي
Posted: 10 جوان 2016 in مختارات أدبية, أغاني وموسيقىالوسوم:فؤاد حداد, أدب, أغاني, سيد مكاوي, شعر عامية
اصحى يانايم وحد الدايم
وقول نويت بكره ان حييت الشهر صايم والفجر قايم
اصحى يا نايم وحد الرزاق
رمضان كريم
مسحراتي حود ومال
منقراتي على القنال
مالي آماليعبر خيالي
بحر الليالي وحط الرحال
اصحى يا نايم وحد الرزاق
رمضان كريم
مينا أمينه أعلام وزينه
تاج المدينه أبو زيد هلال
نقول وصلنا ما احلا الوصال
يقول مثلنا صبر ونال
أيوب لناعسه فارس لمايسه
حنة سوايسه يا ابن الحلال
ع السمسميه وشد الحبالفي الميه ميه من الرجال
وفي المقاومه وفي المداومه وفي الاحتمال
يا سويس جريئه يا ام النضال
كنت الطريقه وكنت المثال
وكنت غاية كل الآمال
وكنت أثبت من الجبال
يا بحر مالح والريح زلال
وبر طارح حسن وجمال
والمشي طاب لي والدق على طبلي
ناس كانوا قبلي قالوا في الأمثال:
“الرجل تدب مطرح ما تحب”
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
بالخير سلامك وزين في الدنيا أعلامك
رمضان يحب السمر والنور في أحلامك
رمضان يلاغي القمر من بدر أيامك
يا بدر سينا وبدر الأوله يا سويس
ويكتب الحمد للرحمن بأقلامك
اصحى يا نايم وحد الدايم
السعي للصوم خير من النوم
دي ليالي سمحه نجومها سبحه
اصحى يا نايم .. يا نايم صحى
وحد الرزاق
المسحراتي فؤاد حداد (93) الشيخ سرور – ألحان وغناء/ سيد مكاوي
Posted: 9 جوان 2016 in أغاني وموسيقىالوسوم:فؤاد حداد, أغاني, سيد مكاوي
أصحى يا نايم وحد الدايم
وقول نويت بكره أن حييت الشهر صايم والفجر قايم
أصحى يا نايم وحد الرزاق
رمضـــان كـــريم
مسحراتي منقراتي في طليتي بطبلتي من جانب شارع لجانب حارة كان نجمي والع زي الشرارة من البخور
أصحى يا نايم وحد الرزاق
رمضـــان كــــريم
والدنيا حلوة والريحة أحلى سمعت غنوة ورجل نحلة فضلت تدور
وفي طلتي بطبلتي من حي رحنا للشيخ قريب وقال يا بني أحنا عملنا طيب والأجر نور
خيالات صدقة تصرح في عيني من ألف طاقة بنكم وبيني يا أهل الندور
وفي طلتي بطبلتي من حارة دكه للحارة ديه سمعني دكه آذان هدية يا شيخ سرور
الديك ده صايح لازم نصائح نصحصح أسمعنا صياح اللي نصحصح في السحور
المشي طبلي لي والدق على طبلي
ناس كانوا قبلي وقالوا في الأمثال:
“الرجل تدب مطرح ما تحب”
وأنا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
أنا قبلي غاوي اللبان والجو بخرنا
يا طيبت الاسم يا دلنجات وبحارنا
والقبلي أسيوط فؤاد مبسوط وسحرنا
حنية الليل قطعها الجرح يا ولادي لما سمعنا المنادي ماتأخرنا
أصحى يا نايم وحد الدايم
السعي للصوم خير من النوم
ده ليالي سمحة نجومها سبحة
أصحى يا نايم أصحى وحد الرزاق
المسحراتي فؤاد حداد (92) الطلبة المبعوثين – ألحان وغناء/ سيد مكاوي
Posted: 8 جوان 2016 in أغاني وموسيقىالوسوم:فؤاد حداد, أغاني, سيد مكاوي
اصحى يانايم اصحى يانايم اصحى وحد الدايم
وقول نويت بكره ان حييت الشهر صايم والفجر قايم
اصحي يانايم وحد الرزاق
رمضان كريم
مسحراتي منقراتي أنا بسحر المبعوثين أولاد يارب في ألمانيا غرب وألمانيا ش
لاجل ان يعودوا متأسسين يسلملي عوده الواد أمين
بدأ الرساله بنستعين وثم قال حبلي متين
أخباري ساره أنا خدت ذره ونظام مجره ومهندسين
وأنا بذاكر طول عمري فاكر وطن ودين في المغربيه تمد بيا إيدي اليمين
على طبقنا لولا فراقنا أنا مش حزين بافطر معاكم وأسمع دعاكم آمين آمين
مااشربش إلا الماء وإلا في إزاز ياسين وختام كلامي أبعت سلامي للأجمعين
نحن نلقن العلم حقاً وكويسين
المشي طاب لي والدق على طبلي
ناس كانوا قبلي قالوا في الأمثال:
“الرجل تدب مطرح ما تحب”
وأنا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
من بحر يوسف سلام يوصل لبحر الصين
لولاد رفاعه محمد والسعيد وحسين
ولكل مبعوث مناضل بالصلاه عالزين
سيب اللي قاعد يفاضل بين الأدب والعلم درس الوطن يامهم أفضل من الدرسين
اصحى يانايم اصحى يانايم اصحى وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
اصحى يانايم يانايم اصحى
وحد الرزاق
المسحراتي فؤاد حداد (91) أمل حياتي – ألحان وغناء/ سيد مكاوي
Posted: 7 جوان 2016 in أغاني وموسيقىالوسوم:فؤاد حداد, أغاني, سيد مكاوي
أصحى يا نايم أصحى يا نايم أصحى وحد الدايم
وقول نويت بكره أن حييت الشهر صايم والفجر قايم
أصحي يا نايم أصحى وحد الدايم
وقول نويت بكره أن حبيت الشهر صايم والفجر قايم
أصحى يا نايم وحد الرزاق
رمضـــان كــــريم
مسحراتي منقراتي أمل حياتي في ليالي أذا الحديد الحديد بولي
تعيش وتطرح يا سمبولي كما تجلل للمجتلي إلى المعاود وهللي
أصحى يا نايم وحد الرزاق
رمــــضان كــــريم
يا مصــر قومي وهللي من الأغاني تمويلي بحر الأماني وتنولي
ده بكره يكمل وتكملي وتقولي بدر تمام حلي لما تحلي بمكة حلي
أصحى يا نايم وحد الرزاق
رمـــضان كــــريم
هلال مظنش قلبة خالي ده في سمانه لجل الأمانة هلال مقامة بمقام والي
أنا عليت ذي ماعيلي وأنا كمثله في آولي
عيني رأت أيدي طبلي المشي طبلي والدق على طبلي
ناس كانوا قبلي قالوا في الأمثال:
“الرجل تدب مطرح ما تحب”
وأنا صنعتي مسحراتي في البلد جوال
حبيت ودبيت كما العاشق ليالي طوال
كل شبر وحته من بلدي حته من كبدي حته من موال
تركت أهل المدارك يختموا السهرة
ومشيت بطول الخليج للسيدة الطاهرة أما المقام سندسي أما المدد نظرة وخد في حضنك جناين قد ما تقدر أخضر في أخضر ومنكم من الهلال زهرة.
أصحى يا نايم أصحى يا نايم أصحى وحد الدايم
السعي للصوم خير من النوم لليالي سمحة نجومها سبحة
أصحى يا نايم يا نايم أصحى وحد الرزاق
المسحراتي فؤاد حداد (90) حبوا الوطن – ألحان وغناء/ سيد مكاوي
Posted: 6 جوان 2016 in أغاني وموسيقىالوسوم:فؤاد حداد, أغاني, سيد مكاوي, شعر عامية
اصحى يا نايم اصحى يا نايم اصحى وحد الدايم
وقول نويت بكره ان حييت الشهر صايم والفجر قايم
اصحى يا نايم وحد الرزاق
رمضان كريم
مسحراتي منقراتي آنادي
آنادي بنتي إيناس الاقي خدي بينباس
وآنادي إبني حسن الاقي صدي أتحضن
يا ولادي نفسي أهادي كل الولاد في بلادي بغنوة أجمل غنوة حبوا الوطن
حبوا الوطن في الغيط أبو الفدادين وحصة العربي ودرس الدين حبوا الوطن
حبوا الوطن في الجبه والميادين يوم الجهاد والكل مجتهدين
حبوا الوطن وتعملوا من قبل ما تقولوا حبواالوطن بالحق وشئونه
لولا العرق ماكنش نور الجبين حبوا الوطن
حبواالوطن في المطرح الدافي الأم تسقيك الحنان صافي
والأب ما يحبش يشوفك حزين حبوا الوطن
حبوا الوطن في الحي والشارع من نور لنوروالجاي والطالع
نابواالحضور في جمعة الملايين حبوا الوطن
المشي طاب لي والدق على طبلي
ناس كانوا قبلي قالوا في الامثال:
“الرجل تدب مطرح ما تحب”
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
حبوا الوطن حبوه وقدموا الموال ده
من الولاد للوالدة قوموا اقطفوالها الوردة
حبوا الوطن حبوه وقدموا الموال ده
من الولاد للوالدة قوموا اقطفوالها الوردة
أصل الأمل في الموده كل العرب عيله واحده
كل العرب عيله واحده حبوا الوطن
اصحى يا نايم اصحى يا نايم اصحى وحد الدايم
السعي للصوم خير من النوم دي ليالي سمحه نجومها سبحه
اصحى يا نايم يا نايم اصحى
وحد الرزاق
اصحى يا نايم يا نايم اصحى
وحد الرزاق.
أغنية (هل هلالك يا رمضان) محمد كمال بدر ـ سيد مكاوي
Posted: 6 جوان 2016 in أغاني وموسيقىالوسوم:محمد كمال بدر, أغاني, سيد مكاوي
لما سمعنا يا رمضان
إن هلالك هل وبان
قلنا أنسنا مين يأنسنا
30 ليلة حيونسنا
اشتقنالك والله زمان
هل هلالك يا رمضان
***
لما هلالك بان وسمعنا
وفي بيوتنا قمنا وغنينا
وولادنا فوانيسهم طلعوا
يملوا الدنيا رقص ومغنى
والمدنة لبست الاعقاد
والكنفاني كله اتقاد
والنور نور كل مكان
اشتقنالك والله زمان هل هلالك يا رمضان
***
جه رمضان يا ولاد بجماله
والله زمان دحنا اشتقناله
شفنا هلال من بعد هلاله
واحلى هلال في الدنيا هلاله
بعد 11 شهر غياب
جه يسهرنا مع الأحباب
بعد صلاة الفجر كمان
***
شهر الصوم شهر التراويح
شهر القرآن والتسابيح
جاب الخير وملالنا بيوتنا
هنا وبهجة وتفاريح
جه رمضان جالنا في مواعيده
بعودة يا رب علينا بعيده
والإسلام في سلام وأمان
أغنية (اسأل مرة عليا) علي السوهاجي – سيد مكاوي – محمد عبد المطلب
Posted: 18 مارس 2016 in أغاني وموسيقىالوسوم:محمد عبد المطلب, أغاني, سيد مكاوي, علي السوهاجي
اسأل مرة عليا
قولي قساوتك ليه
أنا افديك بعينيا واكتر منهم إيه
اسأل مرة عليا .. اسأل عليا مرة
***
ايه اغلى من القلب اللي وهبته إليك
شافك مرة وحب وياما سألني عليك
وانت ما تسال فيا
قولي قساوتك ليه
أنا افديك بعينيا واكتر منهم إيه
اسأل مرة عليا .. اسأل عليا مرة
***
تحكم فيا وتأمر ولا عارف اراضيك
فكر قبل ما تهجر وتبيع قلب شاريك
يمكن ترجع ليا
قولي قساوتك ليه
أنا افديك بعينيا واكتر منهم إيه
اسأل مرة عليا .. اسأل عليا مرة
***
انت الكلمة الحلوة وعيونك معانيها
وانت جمالك غنوة من قلبي بغنيها
وانت عينيك في عينيا
قولي قساوتك ليه
أنا افديك بعينيا واكتر منهم إيه
اسأل مرة عليا .. اسأل عليا مرة
أغنية (حدوتة) صلاح جاهين – سيد مكاوي – محمد قنديل
Posted: 10 ديسمبر 2015 in أغاني وموسيقىالوسوم:محمد قنديل, أغاني, سيد مكاوي, صلاح جاهين
لو كنتي ست الحسن والجمال
يكون أمير أحلام غرامك أنا
ليكي أول الحدوتة في الدلال
و انا آخر الحدوتة ليا الهنا
***
دقيت عليكي الباب كتير
رد الصدى و قال يا أمير
ما بينكم البحر الكبير
دقيت على الباب بالإيدين
رد الصدى وقالي يا زين
بينك وبينها بلدين
أنا قلت لو بيني وبينها السما
مغرم بها وهي كمان مغرمة
و انا آخر الحدوتة ليا الهنا
***
آه من طريقك الطويل
و لا ليا غير قلبي دليل
عطشان يا مية سلسبيل
حالي يا ست الحسن حال
إرخي شعورك الطوال
خديني من حر الجبال
و ان ما لقيت عندك لقلبي دواه
لاعشق عيون الشمس و اهوى الهوا
***
صبرت لما الود بان
عملت انا تختروان
وحملت قلبي شمعدان
دوِّبتلك بحر الهوى
في كلمة حنقولها سوا
ونقول ده عنقود واستوى
والناس تشوفنا تقول يا ست البنات
حدوتة آخرتها التبات والنبات
وانا آخر الحدوتة ليا الهنا
أغنية (حكايتنا احنا الاتنين) مأمون الشناوي – سيد مكاوي – ليلى مراد
Posted: 4 جوان 2015 in أغاني وموسيقىالوسوم:ليلى مراد, مأمون الشناوي, أغاني, سيد مكاوي
انا احبك وافضل احبك وانت عذابي ودمع العين
تخاصمني وتنكر حبك طيب حبي أوديه فين؟
مش بس حكاية قلبك.. حكايتنا احنا الاتنين
***
يا مسهر دمع عيوني وحارمني ضي عينيك
الاقيك للسهد بايعني والاقيني ببكي عليك
من الغلب اغضب من حبك وبقلبي بحن إليك
مش بس حكاية قلبك.. حكايتنا احنا الاتنين
***
الناس بيقولوا حبيبي خيبت ظنونهم ليه؟
امال لو كنت عدوي يا حبيبي حتعمل ايه؟
ولا مرة تقول فين هو ولا قلت اطل عليه
مش بس حكاية قلبك.. حكايتنا احنا الاتنين
***
كده برضه تروح ولا تسأل وتفوتني حيران فيك
من ايه واخد على خاطرك وبأيه اقدر ارضيك
اذا كنت نسيت أيامي مش ح انسى جمال لياليك
مش بس حكاية قلبك.. حكايتنا احنا الاتنين
أغنية (حبيبي اللي بحبه) مصطفى الطائر ـ سيد مكاوي
Posted: 8 أفريل 2015 in أغاني وموسيقىالوسوم:مصطفى الطائر, أغاني, سيد مكاوي
حبيبى اللى بحبه ما شفتش زيه حد
عينيه حنان وقلبه بستان أمان و ورد
غالى وطول عمره غالى
ومقامه فى قلبى عالى
خلانى عشت جنبه أحلى وأجمل ليالى
وليلة بعد ليلة .. بالحب بقينا عيلة
وأنا عشت معاه فى قصة
ولا ألف ليلة .. ليلة وليلة
***
أنا أول مرة شفته كان راضى زماننا عنا
فردلى الحب إيده و أخدنا من مكاننا
سبنا الدنيا وما فيها و دوبنا ورحنا جنة
مرت بينا الساعات
وكلامنا كان سكات
توهنا ونسينا روحنا والوقت علينا فات
***
و آه من كام ليلة أنا وهو اتقابلنا
من الحب عملنا مركب وفى بحر الشوق نزلنا
عشنا فى جو تانى ما حدش عاشه غيرنا
جانا القمر قاسمنا وبريشته راح راسمنا
و فرش الليل سكونه .. من كتر الفرحة طرنا
ده العالم كله كوم
وانت يا حبيبى كوم
خلتنى عشت جنبك أحلى و أجمل ليالى
وليلة بعد ليلة .. بالحب بقينا عيلة
وأنا عشت معاه فى قصة
ولا ألف ليلة .. ليلة وليلة
أغنية (أوقاتي بتحلو) عبد الوهاب محمد – سيد مكاوي – وردة الجزائرية
Posted: 25 ديسمبر 2014 in أغاني وموسيقىالوسوم:وردة الجزائرية, أغاني, سيد مكاوي, عبد الوهاب محمد
أوقاتي بتحلو.. تحلو معاك
وحياتي تكمل برضاك
وبحس بروحي بوجودي
من أول ما بكون وياك
ويا روحي ساعة ما القاك..
مش بس أوقاتي بتحلو
دي العيشة والناس والجو
والدنيا بتضحكلي معاك
***
من كتر حلاوة الأيام
ونعيمي وسعدي بلياليك
مش بحسب فات منهم كام
ولا بقدر أفكر غير فيك
والليل وياك يساوي زمان
واليوم وياك يساوي زمان
واكتر يزمان من 100 بكرة
ده الليل بلقاك أنوار وأمان
حتى ولو كان من غير قمرة
***
الله ع الحب لما يوفق بين قلب لقلب
ويخلي القرب شعور تاني أحلى من القرب
وأنا جنبك بنسى إن الدنيا فيها ناس قاسيين
أو فيها عذاب هجر وشكوى بين العاشقين
وبشوف إن العالم كله محبين
وان جاني حسود في هواك وعذول
يقول ويعيد حسيبوا يقول
وانا خاف من إيه وانت معايا
والعالم ايه ما انت كفاية
***
يا سلام يا سلام يا سلام يا سلام
يا سلام لما الأيام تضحك وتروح
عين يا ليل يا ليل
والحب أما بيحيي الأرواح مع كل شروق
وانا بلمح بكره معاك فتان مليان أفراح
وجمال أشكال والوان
وانت اللي بتدي القلب النور
وتخلي نجوم لياليا تدور
وتملى حياتي ورود وزهور
وانا اخاف من ايه ما انتوا معايا
والعالم ايه العالم ما انتوا كفاية
يا روحي ساعة ما القاك
مش بس أوقاتي بتحلو
العيشة والناس والجو
والدنيا بتضحكلي معاك
أغنية (حلوين من يومنا والله) علي السوهاجي ـ سيد مكاوي
Posted: 17 ديسمبر 2014 in أغاني وموسيقىالوسوم:أغاني, سيد مكاوي, علي السوهاجي
حلوين من يومنا والله قلوبنا كويّسة
بنقدّم أحلى فرحة ومعاها مية مِسا
يا ليل طوّل شويّة ع الصحبة الحلوه ديّة
الغالي علينا غالي ولا عمره بيتنسى
حلوين من يومنا والله قلوبنا كويّسة
***
يا ليل إبعت سلامي للناس الطيّبة
فكّرهم بالمحبّة وبأيّام الصبا
وابدر أفراحي غنوة يجعل أيّامنا حلوة
وتعيش الفرحة دايماً في قلوبنا قريّبة
***
الكلمة الحلوة دايما بتجمع شملنا
والشوق يجمع ما بينا والحب يضمّنا
والدنيا أهي فرحانة لفرحنا
وصحينا ع الاماني نفرح بالحب تاني
ونسهّر الليالي مع غنوة حبّنا
أغنية (كدة يحلو الكلام) محمد زكي الملاح – سيد مكاوي
Posted: 15 ديسمبر 2014 in أغاني وموسيقىالوسوم:محمد زكي الملاح, أغاني, سيد مكاوي
كدة أجمل انسجام.. كدة يحلو الكلام
كدة يبقى للمحبة فرحة وشوق وابتسام
من غير الحب وانت.. قول على الدنيا السلام
***
حبك نور حياتي نساني معاك آهاتي
وبقربك يا حياتي بيدوبني الهيام
كدة ما يلوموش عليا ولا يشمت حد فيا
كدة اجمل انسجام.. كده يحلو الكلام
من غير الحب وانت قول على الدنيا السلام
***
كان قبلك عمري فاضي قسوة وحرمان وماضي
بلقاك بقى قلبي راضي وبيقول أحلى الكلام
***
أنا روحي يا روحي فيــك، واحلو زماني بيك
وبقيت منك وليك وبيحلو الغرام
***
خليك يا حبيبي جنبي بحنانك دفي قلبي
دي حكايتي معاك يا حبي أحلى حكاية غرام
أغنية (وحياتك يا حبيبي) حسين السيد ـ سيد مكاوي
Posted: 20 نوفمبر 2014 in أغاني وموسيقىالوسوم:أغاني, حسين السيد, سيد مكاوي
وحياتك يا حبيبي ريح قلبي معاك
غلب الحب معايا وتعبت.. وتعب الشوق وياك
ما تفوتنيش انا وحدي افضل احايل فيك
ما تخليش الدنيا تلعب بيا وبيك
خلي شوية عليا وخلي شوية عليك
***
عمر هوانا بيجري بيجري.. شوف راح منه كام؟
ساعة شوق ومحبة.. وشهر بعاد وخصام
ويبقي الحب تايه مش عارف احنا فين
زي المركب ما تبقي محتارة بين شطين
لكن لإمتي.. يا عيوني انت..
نبقي حبايب ومش حبايب، لحد امتي؟
وارجع تاني واقولك ريحني الله يخليك
عشان المركب تقدر تمشي بيا وبيك
***
الليل بدموعه قاسي.. ويا ويلي من ساعاته
والصبر لسة ساكت.. ويا ويلي من سكاته
توعدني بفرحتي.. واستني بضحكتي
زي الوردة ما تبقي مستنية الندى
وتغيب وتفتكر.. وتجيني وتعتذر
فين القلب اللي يقدر يستحمل كل ده؟
وارجع تاني واقولك ريحني الله يخليك
عشان المركب تقدر تمشي بيا وبيك
ما تفوتنيش انا وحدي افضل احايل فيك
ما تخليش الدنيا تلعب بيا وبيك
خلي شوية عليا وخلي شوية عليك
خلي شوية عليك وشويه عليك
أغنية (أجمل صباح عندي) عبد الوهاب محمد – سيد مكاوي – محرم فؤاد
Posted: 12 نوفمبر 2014 in أغاني وموسيقىالوسوم:محرم فؤاد, أغاني, سيد مكاوي, عبد الوهاب محمد
أجمل صباح عندي صباحك الوردي.. صباحك البسام
من وردتين حالمين، متفتحين ناديين، وكلامهم الأنغام
رايق ومتندي بصباحك الوردي
***
كلمة صباح الخير منك بتبدر خير على دنيتي بحالها
وتخلي قلبي سعيد، وانا عندي يوم العيد طول ما انت بتقولها
من وردتين حالمين، متفتحين ناديين، وكلامهم الأنغام
رايق ومتندي بصباحك الوردي
***
أجمل صباح عندي اللي بشوفك فيه
بنسى بلقاك سهدي اللي بايت فيه
بترد فيا الروح، وفي أي شيء مش روح، بتفوت عليه تحييه
يا سعد كل صباح، يا طلعة الأفراح بصباحك الوردي
من وردتين حالمين، متفتحين ناديين، وكلامهم الأنغام
رايق ومتندي بصباحك الوردي
***
وف كل يوم صبح، خلي الأمل يفتح أبوابه حواليا
خلي الصعاب تضحك، خلي الحياة أجمل، أجمل يا حياتي في عينيا
يا صبحي يا شمسي، يا شريكي في نفسي، يا أنسي يا سعدي
من وردتين حالمين، متفتحين ناديين، وكلامهم الأنغام
رايق ومتندي بصباحك الوردي
أغنية (باي باي) صلاح جاهين ـ سيد مكاوي ـ ماجدة الرومي (من فيلم “عودة الابن الضال” إخراج/يوسف شاهين)
Posted: 13 أكتوبر 2014 in أغاني وموسيقىالوسوم:ماجدة الرومي, يوسف شاهين, أفلام, أغاني, سينما, سيد مكاوي, صلاح جاهين
اُكْتُبْ كَيْ لَا تَكونَ وَحِيدًا 