أغنية (مسلسل “أرابيسك” تتر المقدمة) سيد حجاب ـ عمار الشريعي ـ حسن فؤاد

وينفلت من بين إيدينا الزمان
كأنه سَحبة قوس فى أوتار كمان
وتنفرط ليّام.. عقود كهرمان
يتفرفط النور.. والحنان.. والأمان
وينفلت من بين إيدينا الزمان
***
الشر.. شرَّق وغرَّب.. داخل في حوشنا
حوشوا.. لا ريح شاردة تقشقش عشوشنا
حوشوا.. شرارة تطيش.. تشقق عروشنا
وتغشنا المرايات.. تشوش وشوشنا
وتهيل تراب ع الهالة والهيلمان
وينفلت من بين إيدينا الزمان
***
الغش طرطش.. رش ع الوش بُوية
ما دريتش مين بلياتشو.. أو مين رزين
شاب الزمان.. وشقيقى مش شكل أبويا
شاهت وشوشنا.. تهنا بين شين وزين
ولسه ياما وياما حنشوف كمان
وينفلت من بين إيدينا الزمان