أغنية (بتبصلي كدة ليه) أحمد رامي – محمد القصبجي – ليلى مراد

بتبصلي كدة ليه ما تقولي قصدك إيه

بتبصلي كدة ليه عايز تمنيني

ولا صعبت عليك حبيت تواسيني

ولا شفت الحب نايم جوه قلبي

حبيت تشاغل مهجتي وتصحي حبي

***

بتبصلي كدة ليه والمكر جوه عينيك

سرحان تناجي إيه والحيرة باينة عليك

انت شفت الورد فتح ع الغصون

قلت تقطف وردة وتداوي الشجون

***

بتبصلي كدة ليه وانت حزين ولهان

لا حب تبكي عليه ولا حبيب غضبان

انت عايزني أواسيلك جراحك

ولا أغنيلك وتنسى طول نواحك

***

مال عيونكم عطشانة عايزة اللي دايما يرويها

ومال قلوبكم حيرانة مش لاقية حاجة ترضيها

أضحكّم واسليكم واندمكم وأواسيكم

وتاخدوا للجمال يزيد وأنا اللي هخده منكم إيه