أغنية (وحدي) أحمد ملوخية – محمد عبد الوهاب – عبد الغني السيد

انا وحدي يالليل سهران بفكر في اللي ناسيني
انا وحدي مع الحرمان وحرماني مكفيني
انا وحدي مع الحيران وخالي البالي مجافيني
أنا وحدي انا وحدي

أنا وحدي يالليل سهران اناجي البدر واحكيله
واقوله ع اللى مر وكان واسيب القلب يشكيله

والاقي الصبح جه بدري يفكرني فراق بدري
و اكلم ناس والاقيهم.. وانا وحدي
علشان حبي مش فيهم.. وانا وحدي
أنا وحدي انا وحدي

أنا وحدي مع الحرمان بفكر في اللى مش فاكر
و أقول الصبر آخره يبان لقيت صبري مالوش آخر
واعيد الصبر م الاول و اقول بعد الحبيب طول
يقابلني في أحلامي.. وأنا وحدي
و اعيش وياه بأوهامي.. وانا وحدي

انا وحدي انا وحدي
أنا وحدى مع الحيران بنحكي فى الهوا حالنا
جمعنا السهد و الاشجان نهون لوم عواذلنا
ولسه الشكوى هقولها وهو اللي يكملها
اسيب الناس في دنياهم.. وانا وحدي
مدام دنيايا وياهم.. وانا وحدى
أنا وحدي أنا وحدي